‘ఎన్టీఆర్’తో నేనెప్పుడూ సిద్దమే!!!

జూనియర్ ఎన్టీఆర్ టెంపర్, నాన్నకు ప్రేమతో సినిమాలు భారీ హిట్స్ కావడంతో మంచి ఊపు మీద ఉన్నాడు. ఇక అదే ఊపును కొనసాగిస్తూ మిర్చి ఫ్రేమ్ దర్శకుడు కొరటాలశివతో జనతా గ్యారేజ్ షురూ చేశాడు. అయితే ఇప్పటికే తాను తీసిన రెండు సినిమాలు మిర్చి, శ్రీమంతుడు భారీ హిట్స్ కావడంతో, అటు కొరటాల సైతం ఎన్టీఆర్ తో కలసి హ్యాట్రిక్ కోసం చాలా కష్టపడుతున్నాడు. ఇక ఈ చిత్రాన్ని ఆగష్టు నెలలో విడుదల చేసేందుకు సన్నాహాలు జరుగుతూ ఉన్నాయి. ఇదిలా ఉంటే ఈ సినిమాలో మళయాళ సూపర్ స్టార్ మోహన్ లాల్ ఒక ప్రత్యేక పాత్రలో నటిస్తున్న సంగతి తెలిసిందే. అంతేకాకుండా సుహాసిని, సాయి కుమార్ లాంటి సీనియర్ నటులు ఎందరో ఈ సినిమాలో ఎన్టీఆర్ తో కలసి నటిస్తున్నారు. ఇక అదే క్రమంలో ఎన్టీఆర్ తండ్రిగా సత్య రాజ్ సైతం నటించాల్సి ఉండగా బాహుబలి-2 షూటింగ్ లో బిజీగా ఉండడం వల్ల ఆయన డేట్స్ అడ్జస్ట్ చెయ్యలేకపోయాడు. ఇదిలా ఉంటే మరి తండ్రి పాత్రలో ఎవరిని తీసుకోవాలి అని అందరూ ఆలోచిస్తున్న సమయంలో ఎన్టీఆర్ సూపర్ స్టార్ కృష్ణ గారైతే బావుంటుంది అని తెలుపడం….వెంటనే దర్శకుడు శివ వెళ్ళి ఆయన్ని అడగడం, ఆయన సైతం…”ఎన్టీఆర్ తో అయితే నేనెప్పుడూ రెడీ”నే అని గ్రీన్ సిగ్నల్ ఇవ్వడం వెంట వెంటనే జరిగి పోయాయి. ఇంకా అధికారికంగా వెల్లడి కాలేదు కానీ జనతా గ్యారేజ్ లోకి కృష్ణ గారు ఎంటర్ అయ్యీపోయారు అని ఇప్పటికే వార్తలు వస్తున్నాయి. మరి కృష్ణ గారి ఎంట్రీతో ఈ సినిమాపై అంచనాలు మరింత పెరిగాయి. చూడాలి మరి ఇంత భారీ తారాగణంతో వస్తున్న ఈ చిత్రం ఎంతటి ఘన విజయాన్ని నమోదు చేసుకుంటుందో. యంగ్ టైగర్ ఫ్యాన్స్ మోగించండి నగారా.