Surender Reddy, Vaishnav Tej: సురేందర్‌ రెడ్డి లైనప్‌ మారిందట…!

కరోనా తీసుకొచ్చిన ఇబ్బందులకు చాలా మంది దర్శకులు, హీరోల లైనప్‌లు మారిపోతున్నాయి. దీంతో ఏ సినిమా ఎప్పుడు మొదలవుతుంది, ఎప్పుడు పూర్తవుతుందో తెలియక… దర్శకులు రెండేసి, మూడేసి ఆప్షన్లు పెట్టుకుంటున్నారు. ఈ క్రమంలో సురేందర్‌ రెడ్డి కూడా ఇదే పనిలో ఉన్నాడట. అందులో భాగంగానే వైష్ణవ్‌ తేజ్‌ సినిమా ఒకటి ఇప్పుడు చర్చలోకి వచ్చింది. అవును వైష్ణవ్‌ తేజ్‌తో సూరి ఓ సినిమా చేస్తారట. సురేందర్‌ రెడ్డి ప్రస్తుతం… అఖిల్‌తో ‘ఏజెంట్‌’ అనే సినిమా చేస్తున్న విషయం తెలిసిందే.

త్వరలోనే చిత్రీకరణ మొదలుపెట్టి వీలైనంత త్వరగా పూర్తి చేయాలని అనుకుంటున్నారట. కారణం ఆ తర్వాత సూరి… పవన్‌ కళ్యాణ్‌తో సినిమా చేయాల్సి ఉంది. అయితే ప్రస్తుత పరిస్థితుల్లో పవన్‌ సినిమా ఇంత త్వరగా కష్టం. అందుకే ఆ సినిమా వచ్చే లోపు మరో సినిమా చేయాలని సురేందర్‌ రెడ్డి అనుకుంటున్నారట. దీని కోసం వైష్ణవ్‌తేజ్‌తో ఓ సినిమా చేయాలని అనుకుంటున్నారట. దానికి సంబంధించి వక్కంతం వంశీతో కలసి ఓ యూత్‌ఫుల్‌ యాక్షన్‌ ఎంటర్‌టైనర్‌ కథను సిద్ధం చేస్తున్నట్లు వార్తలొస్తున్నాయి.

అంటే మామకు ఖాళీ లేక.. అల్లుడితో సినిమా చేస్తున్నట్లు లెక్క. అయితే నితిన్‌తో కూడా సూరి సినిమా చేస్తున్నారని వార్తలొస్తున్నాయి. ఈ రెండింటిలో ఏది ఓకే అవుతుందో చూడాలి.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!