Puri Jagannath: మరో తమిళ హీరో డేట్స్‌ పట్టేసిన పూరి జగన్నాథ్‌.. చూస్తుంటే ఇక తెలుగులో..

వరుస ఫ్లాప్‌లతో కెరీర్‌ని మరోసారి ఇరకాటంలో పెట్టుకున్న ప్రముఖ దర్శకుడు పూరి జగన్నాథ్‌ కోలీవుడ్‌కి వెళ్లి అక్కడ విజయ్‌ సేతుపతిని ఓకే చేసుకొని ఓ సినిమా చేస్తున్నారు. ఇటీవలే ఆ సినిమాకు ‘స్లమ్ డాగ్’ అనే పేరు కూడా పెట్టారు. ఈ సినిమా పనులు శరవేగంగా జరుగుతున్నాయి. ఈ క్రమంలో నెక్స్ట్‌సినిమా ఏంటా అనే చర్చ మొదలైంది. ఎందుకంటే ఒక సినిమా పూర్తయ్యాక, రెండో సినిమా కోసం పూరి ఎక్కువ టైమ్‌ తీసుకోరు. ఆ సినిమా ఫలితం తేడా కొడితే తప్ప.. వెంటనే ప్రారంభించేస్తారు.

Puri – Suriya

ఈ నేపథ్యంలో కోడంబాక్కం వర్గాల నుండి వస్తున్న సమాచారం ప్రకారం అయితే పూరి నెక్స్ట్‌ సినిమా కూడా తమిళ సినిమా పరిశ్రమకు చెందిన హీరోతోనే అని చెబుతున్నారు. అదే జరిగితే అప్పుడెప్పుడో ‘బిజినెస్‌ మ్యాన్‌’ సినిమాకు మిస్‌ అయిన కాంబినేషన్‌ ఇప్పుడు కుదిరింది అని చెప్పొచ్చు. ‘బిజినెస్‌ మ్యాన్‌’ సినిమా అంటే.. సూర్యతో సినిమానా అని అనుకుంటున్నారా? అయితే మీరు పూరి ఫ్యాన్‌ అయ్యే ఉంటారు. అవును పూరి జగన్నాథ్‌ – సూర్య ఎట్టకేలకు కలసి పని చేస్తారు అని సమాచారం.

‘స్లమ్ డాగ్’ పోస్ట్ ప్రొడక్షన్ పనుల్లో బిజీగా ఉన్న పూరి.. ఈ మధ్య సూర్యను కలసి ఓ కథ చెప్పారట. ఆయన ఆసక్తి చూపిచండంతో పూరి టీమ్‌ ఇప్పుడు కథను పూర్తి స్థాయిలో సిద్ధం చేసే పనిలో ఉందట. సూర్య పూరికి అభిమానే. ఆయ‌న‌తో ప‌ని చేయాల‌ని ఎప్ప‌టి నుండో అనుకుంటున్నాడు. మ‌హేష్ బాబుతో పూరి చేసిన ‘బిజినెస్ మాన్‌’ క‌థ ముందుగా సూర్య ద‌గ్గ‌ర‌కే వెళ్లింది. ఆయ‌న ఓకే అన్నాడు కూడా. అయితే కానీ కొన్ని కార‌ణాల వ‌ల్ల ప్రాజెక్ట్‌ ముందుకు వెళ్ల‌లేదు.

ఇప్పుడు ఈ సినిమా కుదిరితే ‘బిజినెస్‌ మ్యాన్‌’ లాంటి కథను రాసుకుంటారో.. లేక మరో స్టైల్‌ కథ రాస్తారో చూడాలి. ఏదైనా సూర్యలోని మరో కోణాన్ని చూపించేలా ఈ సినిమా ఉంటుంది. చూద్దాం ‘స్లమ్‌డాగ్‌’ సినిమా ప్రచారం కోసం వస్తారుగా బయటకు అప్పుడు తెలిసిపోతుంది. అన్నట్లు ఈ సినిమా బిజినెస్‌ పనులు ఓ కొలిక్కి వస్తున్నాయి. త్వరలోనే విడుదల తేదీ ప్రకటిస్తారట.

మళ్లీ మెగాఫోన్‌ పట్టనున్న స్టార్‌ హీరో కుమార్తె.. ఈసారి 5 భాషల్లో..