ఎన్టీఆర్ – నెల్సన్ దిలీప్ కుమార్ కాంబినేషన్లో ఓ సినిమా ఉందని చాలా నెలలుగా వార్తలు వస్తూనే ఉన్నాయి. ఇదిగో అనౌన్స్మెంట్, అదిగో అనౌన్స్మెంట్ అంటూ ఆ మధ్య కొన్ని లీకులు కూడా వచ్చాయి. ఈ సినిమాను నిర్మిస్తారు అనే టాక్ వచ్చిన సితార ఎంటర్టైన్మెంట్స్ నాగవంశీ కూడా ఓసారి లీక్ ఇచ్చారు. ఎన్టీఆర్ కూడా ఓ సినిమా స్టేజీ మీద త్వరలో నాగవంశీకి ఓ సినిమా చేస్తున్నా అని కూడా చెప్పారు. దీంతో అది నెల్సన్ సినిమానే అనుకున్నారంతా. అయితే ఏమైందో ఏమో ఆ సినిమా ఊసే ఆ తర్వాత లేకుండా పోయింది.
ఇప్పుడు ఏకంగా ఆ సినిమా చేతులు మారుతోంది అని సమాచారం. ఎన్టీఆర్తో చేద్దాం అనుకున్న కథనో లేక కొత్త కథనో తెలియదు కానీ నెల్సన్ దిలీప్ కుమార్తో సితార నాగవంశీ ఓ సినిమాను రెడీ చేస్తున్నారట. ఆ సినిమాలో హీరోగా సూర్య నటిస్తాడు అని సమాచారం. అంతేకాదు ఇది సూర్య కెరీర్ మైల్స్టోన్ 50వ సినిమా అని కూడా అంటున్నారు. ప్రస్తుతం రజనీకాంత్తో ‘జైలర్ 2’ సినిమా పనుల్లో నెల్సన్ బిజీగా ఉన్నారు. ఈ సినిమా అయ్యాక రజనీకాంత్ – కమల్ హాసన్ సినిమా చేయాల్సి ఉంది.
ఆ సినిమా కూడా అయ్యాక సూర్య సినిమా కోసం పనులు స్టార్ట్ చేస్తారట. ఆ లెక్కన సూర్య 50వ సినిమా సెట్స్ పైకి వెళ్లేందుకు ఇంకా సయమం ఉంది. అయితే ఈలోపు సినిమా అనౌన్స్మెంట్ ఉంటుంది అంటున్నారు. ప్రస్తుతం సూర్య.. సితార బ్యానర్లోనే వెంకీ అట్లూరి డైరక్షన్లో ‘విశ్వనాథ్ అండ్ సన్స్’ అనే సినిమా చేస్తున్నాడు. అంటే వెంటవెంటనే సినిమా ఛాన్స్ నాగవంశీకి వస్తున్నాట్లే.
అయితే మరి ఎన్టీఆర్ – నెల్సన్ సినిమా ఏమైనట్లు. ఈ సినిమా ఆలోచన విరమించుకోమని తారక్ ఏమన్నా చెప్పాడా? ‘వార్ 2’ సినిమాను తెలుగులో అంతా తానై చూసుకున్నారు నాగవంశీ. మరి ఆ ఫలితం ఏమన్నా ఇప్పుడు ఇబ్బందిపెట్టిందా? అనేది చూడాలి. ఒకవేళ లేదంటే సితార బ్యానర్లో నెల్సన్ దిలీప్కి రెండు సినిమాలు దక్కినట్లే.
