Pawan Kalyan: వీరమల్లు రిలీజ్ విషయంలో మేకర్స్ ప్లాన్ ఇదే!

April 24, 2022 / 06:15 PM ISTByFilmy Focus

Join Us

Pawan Kalyan: వీరమల్లు రిలీజ్ విషయంలో మేకర్స్ ప్లాన్ ఇదే!

పవర్ స్టార్ పవన్ కళ్యాణ్ నటిస్తున్న హరిహర వీరమల్లు సినిమా కోసం ప్రేక్షకులు ఆసక్తిగా ఎదురుచూస్తున్నారనే సంగతి తెలిసిందే. వేర్వేరు కారణాల వల్ల ఈ సినిమా షూటింగ్ అంతకంతకూ ఆలస్యమవుతోంది. అయితే ఈ సినిమా షూటింగ్ ఎప్పుడు పూర్తైనా పండుగ సందర్భంగా ఈ సినిమాను విడుదల చేయాలని మేకర్స్ భావిస్తున్నారని సమాచారం అందుతోంది. ఆగష్టు నాటికి ఈ సినిమా షూటింగ్ ను పూర్తి చేయాలని మేకర్స్ భావిస్తున్నారు.

Click Here To Watch NOW

అయితే పవన్ రాజకీయాలతో బిజీగా ఉండటంతో ఈ సినిమా షూటింగ్ అనుకున్న విధంగా జరుగుతుందని గ్యారంటీగా చెప్పలేం. అయితే పవన్ హరిహర వీరమల్లు సినిమా పూర్తయ్యే వరకు మరో సినిమాను మొదలుపెట్టే అవకాశం అయితే లేదని సమాచారం అందుతోంది. వీరమల్లు మేకర్స్ దసరాకు ఈ సినిమాను రిలీజ్ చేయాలని భావిస్తుండగా ఏదైనా కారణాల వల్ల దసరాకు రిలీజ్ చేయకపోతే సంక్రాంతికి విడుదల చేయాలని భావిస్తున్నారు.

పవన్ కెరీర్ కు హరిహర వీరమల్లు సక్సెస్ ఎంతో కీలకమనే సంగతి తెలిసిందే. పవన్ కెరీర్ లోనే హైయెస్ట్ బడ్జెట్ తో ఈ సినిమా తెరకెక్కుతుండగా బాక్సాఫీస్ వద్ద ఈ సినిమా భారీస్థాయిలో కలెక్షన్లను సాధిస్తే మాత్రమే బ్రేక్ ఈవెన్ అవుతోంది. ఈ సినిమాతోనే పవన్ కళ్యాణ్ కు పాన్ ఇండియా హీరోగా గుర్తింపు రానుంది. పవన్ ఈ సినిమాలో రెండు పాత్రల్లో కనిపిస్తారని సమాచారం అందుతోంది.

ఈ సినిమా భారీ బ్లాక్ బస్టర్ హిట్ గా నిలిస్తే మాత్రమే దర్శకుడు క్రిష్ కు కొత్త సినిమా ఆఫర్లు వస్తాయని చెప్పవచ్చు. క్రిష్ గత సినిమాలు బాక్సాఫీస్ వద్ద ఫ్లాపులుగా నిలిచాయి. అయితే ఈ సినిమాతో సక్సెస్ ట్రాక్ లోకి వస్తానని క్రిష్ నమ్మకంతో ఉన్నారు. క్రిష్ నమ్మకాన్ని హరిహర వీరమల్లు నిజం చేస్తుందేమో చూడాలి. ఈ సినిమాలో ఎన్నో ప్రత్యేకతలు ఉన్నాయని ప్రేక్షకుల అంచనాలను మించి ఈ సినిమా ఉండేలా క్రిష్ జాగ్రత్తలు తీసుకుంటున్నారని తెలుస్తోంది.