అప్పుడు హీరోయిన్ లా, ఇప్పుడు హీరోయిన్ గా!

కొన్ని కాంబినేషన్స్ భలే విచిత్రంగా ఉంటాయి. ఒకసారి హీరో-విలన్ గా నటించినవారు మరో చిత్రంలో ఫ్రెండ్స్ గా కనిపిస్తారు. ఫ్రెండ్స్ గా కనిపించినవారు మరో చిత్రంలో హీరో-విలన్ గా దర్శనమిస్తారు. తాజాగా అలాంటి కాంబినేషన్ ఒకటి టాలీవుడ్ లో త్వరలో కనువిందు చేయనుంది. మంచు లక్ష్మీ నిర్మించడంతోపాటు నటించిన “గుండెల్లో గోదావరి” సినిమా అందరికీ గుర్తుండే ఉంటుంది. సినిమా మర్చిపోయినా.. సదరు సినిమా ఆడియో వేడుకను ఎవ్వరూ అంత ఈజీగా మర్చిపోలేరు. ఆ సినిమాలో హీరోగా నటించిన ఆది పినిశెట్టిని డిల్లీ బ్యూటీ తాప్సీ తన తాపాన్ని తీర్చుకోవడం కోసం రెచ్చగొట్టే విధానం, అతడ్ని రెచ్చగొట్టి తన కోరికను తీర్చుకొన్న తీరును అప్పట్లో మాస్ జనాలు తెగ ఎంజాయ్ చేశారు.

అయితే.. అప్పుడు మోహంతో ఆది పినిశెట్టికి దగ్గరయిన తాప్సీ ఇప్పుడు ప్రేమ పంచుతానంటుంది. అయితే.. ఇదంతా సినిమా కోసమే లెండి. కోన వెంకట్ సమర్పణలో ఓ యువ దర్శకుడిని పరిచయం చేస్తూ ఏం.వి.వి.సినిమా సంస్థ నిర్మించనున్న తాజా చిత్రంలో ఆది పినిశెట్టి-తాప్సీ జంటగా నటించనున్నారు. ఈ చిత్రంలో వారు వైవిధ్యమైన పాత్రల్లో నటించనున్నారని తెలుస్తోంది. ఒక టిపికల్ యాక్షన్ ఎంటర్ టైనర్ గా తెరకెక్కనున్న ఈ చిత్రం త్వరలో మొదలవ్వనుంది. మరి “గుండెల్లో గోదావరి”లో ఆకట్టుకొన్న స్థాయిలో ఈ తాజా చిత్రంలోనూ ఆది పినిశెట్టి-తాప్సీల జంట ఈ తాజా చిత్రంతో ఏమేరకు అలరిస్తుందో చూడాలి.