ప్రభుత్వ లాంఛనాలతో మహాప్రస్థానంలో కైకాల అంత్యక్రియలు!

ఈ ఏడాదిలో చిత్ర పరిశ్రమలు వరుస విషాదాలు చోటు చేసుకుంటున్నాయి. ఒక విషాద ఘటన మర్చిపోకముందే మరొకరు మరణించడంతో ఇండస్ట్రీకి తీరని లోటు ఏర్పడుతుంది. ఈ ఏడాది కేవలం కొన్ని రోజుల వ్యవధిలోనే రెబల్ స్టార్ కృష్ణంరాజు సూపర్ స్టార్ కృష్ణ మరణించడం తెలుగు చిత్ర పరిశ్రమను ఎంతగానో కృంగదీసింది.ఇక వీరి మరణ వార్త నుంచి తెలుగు చిత్ర పరిశ్రమ కోలుకోక ముందే మరొక నటుడు తుది శ్వాస విడిచారు. గత ఆరు దశాబ్దాలుగా ఇండస్ట్రీకి ఎన్నో సేవలు అందించినటువంటి

సీనియర్ నటుడు కైకాల సత్యనారాయణ నేడు ఉదయం తెల్లవారుజామున నాలుగు గంటలకు ఆయన నివాసంలోనే తుది శ్వాస విడిచారు. గత కొంతకాలంగా కైకాల సత్యనారాయణ తీవ్రమైన అనారోగ్య సమస్యలతో బాధపడుతూ ఆస్పత్రికి పరిమితమయ్యారు.అయితే ఈయన అనారోగ్య సమస్యలు తీవ్రం కావడంతో ఈయన శరీరం చికిత్సకు స్పందించకపోవడంతో కుటుంబ సభ్యులు ఇంట్లోనే ఉంచారు. ఈ విధంగా ఈయన ఆరోగ్య పరిస్థితి మరింత విషమించడంతో నేడు ఉదయం తెల్లవారుజామున నాలుగు గంటలకు ఆఖరి శ్వాస వదిలారు.

ఈయన మరణ వార్త తెలుసుకున్నటువంటి ఎంతోమంది సినీ సెలెబ్రిటీలు ఈయన మృతికి ప్రగాఢ సానుభూతి తెలియజేస్తున్నారు.ఇక పలువురు సినీ సెలబ్రిటీలు కైకాల ఇంటి వద్దకు చేరుకొని ఆయన పార్థివ దేహానికి నివాళులు అర్పిస్తున్నారు.ఈ క్రమంలోనే తెలంగాణ మంత్రి తలసాని శ్రీనివాస్ యాదవ్ కైకాల మరణం పట్ల స్పందిస్తూ ఆయన మృతికి ప్రగాఢ సానుభూతి ప్రకటించడమే కాకుండా రేపు మహాప్రస్థానంలో జరగబోయే అంత్యక్రియలు కూడా ప్రభుత్వ లాంఛనాలతో జరుగుతాయని ఈయన ఆదేశాలు జారీ చేశారు. ఇక రేపు మధ్యాహ్నం మహాప్రస్థానంలో కైకాల అంత్యక్రియలు జరగనున్నాయి.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?