తమన్నా, ప్రభుదేవా, సోనూసూద్ ప్రధాన పాత్రల్లో నటించనున్న చిత్రం ‘అభినేత్రి’. హారర్ కామెడీ గా తెరకెక్కనున్న ఈ చిత్రానికి ‘దివా తిరుమగల్’ ఫేమ్ విజయ్ దర్శకత్వం వహించనున్నారు. కోన ఫిల్మ్ కార్పొరేషన్, బ్లూ సర్కిల్ కార్పొరేషన్, బి‌ఎల్‌ఎన్ సినిమా పతాకంపై సంయుక్తంగా ఈ చిత్రాన్ని నిర్మిస్తున్నారు. త్రిభాషా చిత్రంగా ఈ చిత్రం తెరకెక్కుతుండగా.. ఈ చిత్రంలోని తమన్నా పాత్ర కాంత పేరునే తమిళ చిత్ర టైటిల్ గా ఖరారు చేసినట్లు సమాచారం. జి‌వి ప్రకాష్ కుమార్, తమన్ ఈ చిత్రానికి సంయుక్తంగా స్వరాలు అందించనున్నారు. త్వరలోనే ఈ చిత్రం సెట్స్ పైకి వెళ్ళే అవకాశం ఉంది. దాదాపు 12 సంవత్సరాల తరువాత కాంత చిత్రం ద్వారా ప్రభుదేవా తమిళ ప్రేక్షకుల ముందుకు వస్తుండటం విశేషం.
Home