Tamanna Dress Cost: తమన్నా డ్రెస్ ధర అంతనా.. ఎందుకబ్బా!

హీరోయిన్లు వేసుకునే డ్రెస్‌లు ఎక్కువ రేటు ఉంటాయని తెలుసు కానీ.. మరీ ఇంత రేటు ఉంటాయా అని అనుకుంటారు ఈ వార్త చదివితే. ఎందుకంటే ఆ డ్రెస్‌కి, చెబుతున్న ధరకి అస్సలు సంబంధం లేకపోవడమే కారణం. లక్షల రూపాయలు పోసి హీరోయిన్లు డ్రెస్‌లు కొంటూ ఉంటారు.. అయితే అవి భారీ వర్క్‌ ఉన్న లెహంగాలు, చీరలు అయి ఉంటాయి. అయితే ఎలాంటి వర్క్‌ లేకుండా ప్లెయిన్‌గా ఉన్న డ్రెస్ లక్షల రూపాయల విలువ చేసింది అంటే ఆలోచించాల్సిన విషయమే.

సోషల్‌ మీడియాను ఫాలో అవుతున్న వాళ్లయితే మేం ఏం డ్రెస్‌ గురించి చెబుతున్నామో మీకు ఇప్పటికే అర్థమైపోయుంటుంది. ఇటీవల తమన్నా సోషల్‌ మీడియాలో ఓ ఫొటో పోస్ట్‌ చేసింది. అందులో స్కై బ్లూ కలర్‌ మినీ డ్రెస్‌ వేసుకుంది. చూడటానికి ప్లాస్టిక్‌ పరదా డ్రెస్‌లా కనిపిస్తున్న ఆ డ్రెస్‌ ఖరీదు సుమారు రెండు లక్షల 70 వేల రూపాయలట. అంతేనా అంటే దానికి మ్యాచింగ్‌ వేసుకున్న షూ ఖరీదు సుమారు లక్ష రూపాయలట.

మామూలుగా తమన్నా ఏ ఫంక్షన్‌లో కనిపించినా ట్రెండీగానే ఉంటుంది. అలా ఇటీవల ఆమె ఓ ఈవెంట్‌కి వచ్చినప్పుడే పైన చెప్పిన కాస్ట్‌లీ డ్రెస్‌ వేసుకొచ్చింది. అమెజాన్‌ ప్రైమ్‌ వారి ‘జీ కర్దా’ అనే వెబ్‌ సిరీస్‌ ఇటీవల ప్రారంభమైంది. దానికి సంబంధించిన ప్రోగ్రామ్‌ ఒకటి జరిగింది. అక్కడికే తమన్నా ఈ రెండున్నర లకారాల డ్రెస్‌, ఒక లకారం షూ వేసుకొని వచ్చింది. ఆ పొట్టి డ్రెస్‌లో తమన్నాను చూసిన వాళ్లు చూపుతిప్పుకోలేపోయారంటే అతిశయోక్తి కాదు అంటున్నారు నెటిజన్లు.

దీంతో ఈ డ్రెస్‌ సంగతేంటబ్బా అని గూగుల్‌లో సెర్చ్‌ చేయడం ప్రారంభించారు. అప్పుడు ధర చూసి షాక్‌ అయ్యారు. డ్రెస్ ఖరీదు రూ.2,69,121 కాగా, మ్యాచింగ్‌ చెప్పులు రూ.90,800 అని తెలిసింది. దీంతో డ్రెస్, చెప్పుల కోసం తమన్నా ఇంత ఖర్చు చేసిందా అని అభిమానులు అనుకుంటున్నారు. క్రికెటర్లు నెమ్మదిగా ఆడుతూ ఒక్కసారిగా గేర్‌ మార్చి స్పీడ్‌ పెంచినట్లుగా… తమన్నా కామ్‌గా ఉంటూ ఒక్కసారిగా ఇలాంటి డ్రెస్‌లు, లుక్‌లతో హీట్‌ పెంచుతూ ఉంటుంది.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!