లగ్గాయిత్తుగా తమన్నా వద్దంటున్న చందు ముండేటి!

వారుసబెట్టి ‘అల్లుడు శీను, స్పీడున్నోడు, జైలవకుశ” చిత్రాల్లో స్పెషల్ సాంగ్స్ లో మెరిసి అందాలతో కనువిందు చేయడంతోపాటు.. డ్యాన్స్ మూమెంట్స్ తో మెస్మరైజ్ చేయడంతో తమన్నాను అందరూ స్పెషల్ సాంగ్స్ కోసం సంప్రదించడం మొదలెట్టారు. అయితే ఒకపక్క హీరోయిన్ గా ఫుల్ ఫామ్ లో ఉన్న తమన్నా హీరోయిన్ గా మంచి ఆఫర్లు అందుకుంటూనే స్పెషల్ సాంగ్స్ విషయంలో స్పెషల్ కాన్సన్ ట్రేట్ చేస్తోంది. అందులో భాగంగానే తనతో కలిసి “100% లవ్, తడాఖా” లాంటి రెండు హిట్ చిత్రాల్లో నటించిన చైతన్య సరసన “సవ్యసాచి” సినిమాలో “నిన్ను రోడ్డు మీద చూసినాది లగ్గాయిత్తు” అనే రీమిక్స్ సాంగ్ లో కనిపించేందుకు ఓకె చెప్పింది.

అయితే.. తాజా సమాచారం ప్రకారం “సవ్యసాచి” చిత్రంలోని స్పెషల్ సాంగ్ ను తమన్నాతో కాకుండా చిత్ర కథానాయకి అయిన నిధి అగర్వాల్ తోనే చేయించడానికి ప్లాన్ చేస్తున్నాడట డైరెక్టర్ చందు మొండేటి. జూలైలో విడుదల చేద్దామనుకున్న సినిమా ఇంకా షూట్ కంప్లీట్ అవ్వకపోవడం.. ఎట్టి పరిస్థితుల్లో నవంబర్ లో చిత్రాన్ని విడుదల చేయాలని నిర్మాతలు ఫిక్స్ అవ్వడంతో.. వేరే ఆప్షన్ లేక “నిన్ను రోడ్డు మీద చూసినాది లగ్గాయిత్తు” పాటను చైతన్య-నిధి అగర్వాల్ ల కాంబినేషన్ లో అన్నపూర్ణ స్టూడియోస్ లో ఓ స్పెషల్ సెట్ లో షూట్ చేయనున్నారట.