మలయాళ నటి సాయిపల్లవి ‘ప్రేమమ్’ చిత్రంతో ప్రేక్షకులను మెప్పించింది. ఎన్నో అవార్డులను సొంతం చేసుకుంది. ప్రస్తుతం ఆమె తెలుగులో వరుణ్ తేజ్ పక్కన నటిస్తోంది. శేఖర్ కమ్ముల దర్శకత్వంలో తెరకెక్కిన ఫిదా సినిమాలో తెలంగాణ అమ్మాయిగా నటిస్తోంది. దిల్ రాజు నిర్మించిన ఈ సినిమా టీజర్, ట్రైలర్ విశేషంగా ఆకట్టుకుంటోంది. ఇందులో సాయి పల్లవిని చూసిన వారంతా అభినందించక ఉండలేకపోతున్నారు. భానుమతి పాత్రలో ఆమె నటనతో పాటు మాటలకూ అందరూ ఫిదా అయిపోతున్నారు.
అతి తక్కువకాలంలో తెలుగు భాషను, తెలంగాణ యాసను సాయి పల్లవి పట్టుకున్నందుకు అందరూ ఆశ్చర్యపోతున్నారు. నేటి తరం నటీమణులు పల్లవిని చూసి నేర్చుకోవాలని సినీ విశ్లేషకులు హితవు పలుకుతున్నారు. తెలుగులో పది చిత్రాలకు పైనా నటించిన సొంతంగా తెలుగులో డబ్బింగ్ చెప్పుకోలేనివారు ఉన్నారు. అటువంటిది తెలుగులో ఎంట్రీ సినిమాతోనే సాయి పల్లవి డబ్బింగ్ చెప్పుకొని ఎంతోమందికి స్ఫూర్తిగా నిలిచింది.
Also, do SUBSCRIBE to our YouTube channel to get latest Tollywood updates.
