సంగీత దర్శకుడు థమన్ మంచి ఉత్సాహంగా ఉన్నారు. అతను సంగీతమందించిన అరవింద సమేత వీర రాఘవ మూవీ బ్లాక్ బస్టర్ హిట్ సాధించడంతో అభినందనల వర్షంలో తడిసి ముద్దవుతున్నారు. ఆ ఉత్సాహంలో మంచి ట్యూన్ సిద్ధం చేస్తున్నారు. ఏ సినిమా కోసం అనుకుంటున్నారా ? .. సిసినిమా కోసం కాదు ప్రభాస్ కోసం. ప్రస్తుతం ప్రభాస్ సుజీత్ దర్శకత్వంలో సాహో మూవీ చేస్తున్నారు. ఈ చిత్రం దాదాపు పూర్తికావచ్చింది. ఈ చిత్రానికి బాలీవుడ్ సంగీత త్రయం శంకర్ – ఇషాన్ – లాయ్ లు సంగీతాన్ని అందిస్తున్నారు. దేశవ్యాప్తంగా అభిమాలున్న వీరు సాహో చిత్రానికి పాటలను సమకూర్చేపనిలో ఉన్నారు. ఆ సినిమాకి సంబంధించిన ఏదైనా సాంగ్ ని.. ప్రభాస్ పుట్టినరోజు (అక్టోబర్ 23 )న రిలీజ్ చేస్తారేమోనని ఆసక్తిగా ఎదురుచూస్తున్నారు.
అయితే సాహో టీమ్ నుంచి ఎటువంటి ప్రకటన రాలేదు. సాహో పాటలను ఫిబ్రవరి లో విడుదల చేస్తారని సమాచారం. అందుకే ప్రభాస్ అభిమానులను నిరాశపరచకుండా ఉండేందుకు థమన్ రంగంలోకి దిగారు. ప్రభాస్ పుట్టినరోజు సందర్బంగా ఓ ప్రత్యేక బీజీఎమ్ ని యువీ క్రియేషన్స్ వారు రెడీ చేస్తున్నారని ఫిలిం నగరవాసులు చెప్పారు. ఆ బీజీఎమ్ ని పుట్టినరోజున విడుదల చేస్తారని వెల్లడించారు. ఇప్పటివరకు ప్రభాస్ చిత్రానికి థమన్ సంగీతాన్ని ఇవ్వలేదు. అందుకే ఈ బీజీఎమ్ తో ప్రభాస్ మూవీకి పనిచేసే అవకాశం అందుకోవాలనే లక్ష్యంతో కంపోజ్ చేస్తున్నట్టు తెలిసింది.
