Thamannah: భోళా శంకర్ సినిమా గురించి అసలు విషయం బయట పెట్టిన తమన్నా!

మెగాస్టార్ చిరంజీవి తాజాగా మెహర్ రమేష్ దర్శకత్వంలో నటించిన భోళాశంకర్ అనే సినిమా ద్వారా ప్రేక్షకుల ముందుకు రావడానికి సిద్ధమయ్యారు.ఈ సినిమా ఆగస్టు 11వ తేదీ ప్రేక్షకుల ముందుకు రానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా చిత్ర బృందం వరుస ఇంటర్వ్యూలకు హాజరవుతున్నారు.

ఈ క్రమంలోనే నటి తమన్నా సైతం పలు ఇంటర్వ్యూలకు హాజరవుతూ ఎంతో సందడి చేస్తున్నారు. ఈ సినిమాలో ఈమె చిరంజీవికి జోడిగా నటించి సందడి చేశారు.అదేవిధంగా తమన్నా రజినీకాంత్ సినిమాలో కూడా నటించిన విషయం మనకు తెలిసిందే. ఇలా జైలర్ సినిమా ద్వారా కూడా ఈమె ఆగస్టు 10వ తేదీ ప్రేక్షకుల ముందుకు రానున్నారు ఇలా ఒకరోజు వ్యత్యాసంతోనే తమన్నా సూపర్ స్టార్ తో మెగాస్టార్ తో కలిసి నటించిన సినిమాలు విడుదల కానున్న నేపథ్యంలో ఈమె ప్రమోషన్లలో బిజీగా ఉన్నారు.

ఇక ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్నటువంటి ఈమె భోళా శంకర్ సినిమా గురించి ఒక ఆసక్తికరమైన విషయాన్ని వెల్లడించారు. ఈ సినిమాలో మీ పాత్ర ఎలా ఉండబోతుందన్న ప్రశ్న ఈమెకు ఎదురయింది. అయితే ఈ ప్రశ్నకు తమన్నా సమాధానం చెబుతూ భోళా శంకర్ సినిమా తమిళ వేదాలం సినిమాకు రీమేక్ సినిమా అని మనకు తెలిసిందే. అయితే ఈ విషయం గురించి తమన్న మాట్లాడుతూ ఈ సినిమా వేదాళం సినిమాకు రీమేక్ సినిమా అని పేరు మాత్రమే ఉంది కానీ ఈ సినిమాలో కథ మొత్తం మెహర్ రమేష్ మార్చేసారని తెలిపారు.

ఒరిజినల్ సినిమాలో నా పాత్ర నిడివి చాలా తక్కువగా ఉంటుంది కానీ భోళా శంకర్ సినిమాలో నాది ఫుల్ లెన్త్ పాత్ర అంటూ ఈ సందర్భంగా తమన్న ఈ సినిమా గురించి పలు విషయాలు తెలియ చేశారు. తాను మెగాస్టార్ చిరంజీవితో కలిసి ఇదివరకు సైరా నరసింహారెడ్డి సినిమాలో చేసినప్పటికీ అందులో తన పాత్ర కొంతవరకు మాత్రమే పరిమితమైంది కానీ ఈ సినిమాలో మాత్రం మొదటి నుంచి చివరి వరకు కొనసాగుతూనే ఉంటుందంటూ తమన్నా చేసినటువంటి కామెంట్స్ వైరల్ అవుతున్నాయి.