డూప్స్-రోప్స్ లేకుండా కార్తీ చేసిన రిస్కీ ఫైట్!

ఈవారం తెలుగులో విడుదలవుతున్న ఎనిమిది సినిమాల్లో ప్రేక్షకులు కాస్త అంచనాలు పెట్టుకొన్న ఏకైక చిత్రం “ఖాకీ”. అనువాద చిత్రమైనప్పటికీ.. కార్తీ-రకుల్ జంటగా నటించిన ఈ చిత్రంపై మంచి క్రేజ్ ఉంది. పోలీస్ & క్రిమినల్ కేస్ నేపధ్యంలో రూపొందిన ఈ చిత్రం ట్రైలర్ & సాంగ్స్ కు మంచి స్పందన లభించింది. ఇక ఈ చిత్రాన్ని ఓ ప్రముఖ డిస్ట్రిబ్యూటర్ తెలుగులో డిస్ట్రిబ్యూట్ చేస్తుండడంతో పబ్లిసిటీ కూడా భారీ స్థాయిలోనే ఉంది.

ఈ సినిమాకి సంబంధించిన మరో విశేషం ఏంటంటే.. కార్తీతో రోప్స్ మరియు డూప్స్ లేకుండా రన్నింగ్ బస్ మీద చాలా రిస్క్ తో కూడుకొన్న ఫైట్ లో పాల్గొన్నాడట. దాదాపు 8 నిమిషాలపాటు సాగే ఈ ఫైట్ సీక్వెన్స్ సినిమాకి ప్రత్యేక ఆకర్షణగా నిలవనుందట. ఆల్రెడీ ఈ ఫైట్ కి సంబంధించిన చిన్న స్నిప్పెట్స్ ను ఆన్లైన్ లో విడుదల చేయగా.. ఫైట్ మేకింగ్ చూసే ప్రేక్షకులు షాక్ అయిపోతున్నారట. నవంబర్ 17న తెలుగు-తమిళ భాషల్లో ఏకకాలంలో విడుదలకానున్న ఈ చిత్ర విజయం కార్తీకి చాలా కీలకం కానుంది. ఎందుకంటే కార్తీ మునుపటి చిత్రం “చెలియా” ఘోర పరాజయం పాలై ఉండడంతో.. “ఖాకీ” విజయం కార్తీకి చాలా ఇంపార్టెంట్. అందుకే.. తమిళంతో సమానంగా తెలుగులోనూ సినిమా ప్రమోషన్ చేస్తున్నాడు.