అవన్నీ నా ప్రొడక్షన్ టీం చూసుకొంటారు

గతేడాది టాలీవుడ్-కోలీవుడ్ లో బాగా హల్ చేసిన ఇష్యూ.. గత అయిదారేళ్లుగా సహజీవనం చేస్తున్న కమల్ హాసన్-గౌతమి ఉన్నట్లుండి విడిపోవడమే. ఇందుకు గల కారణాలను గౌతమి స్వయంగా తన బ్లాగ్ ద్వారా ప్రపంచానికి తెలియజేసింది. ఈ విషయమై మధ్యలో శ్రుతిహాసన్ పేరు కూడా వెలుగులోకి వచ్చింది. వారిద్దరి లివ్ ఇన్ రిలేషన్ బ్రేక్ అవ్వడానికి కారణం ఆమేనని కొందరు పేర్కొన్నారు. అవన్నీ పక్కనపెడితే కమల్ హాసన్ నుంచి విడిపోయిన తర్వాత కూడా గౌతమి తన పని తాను చేసుకుంటూ తాను స్థాపించిన ఫౌండేషన్ ను సమర్దవంతంగా నిర్వహించుకుంటూ ముందుకు వెళుతోంది.

అయితే.. రీసెంట్ గా “కమల్ హాసన్ నాకు కాస్ట్యూమ్ డిజైనర్ గా వర్క్ చేసినందుకుగానూ రెమ్యూనరేషన్ ఇవ్వలేదు” అంటూ స్టేట్ మెంట్ ఇచ్చింది గౌతమి. ఈ విషయమై స్పందించిన కమల్ హాసన్ మాట్లాడుతూ.. “నాకు ఇప్పటివరకూ ఈ విషయం తెలియదు, ఇప్పుడే నా ప్రొడక్షన్ టీం కి చెప్పాను. వాళ్ళు ఆ పేమెంట్ క్లియర్ చేస్తారు’ అన్నారు. అయితే.. ఇలాంటి మెటర్స్ పర్సనల్ గా క్లియర్ చేసుకోకుండా ఇలా రచ్చకెక్కడం, ఆన్ లైన్ లో అందరి చేత సజెషన్స్ ఇప్పించుకోవడం ఎందుకు అని కొందరు అభిప్రాయపడుతున్నారు.