కోలీవుడ్ స్టార్ హీరో ధనుష్.. టాలీవుడ్ స్టార్ డైరెక్టర్ శేఖర్ కమ్ముల కాంబినేషన్లో సినిమా రాబోతుంది అని ప్రకటన వచ్చిన వెంటనే తెలుగు, తమిళ ప్రేక్షకులు సంబ్రమాశ్చర్యానికి లోనయ్యారు. ఇద్దరు కూడా ఇండస్ట్రీలోకి అడుగు పెట్టి దగ్గర దగ్గర్లో 20 సంవత్సరాలు పూర్తి కావస్తోంది. ఇంతకాలానికి తమిళ్ ప్రేక్షకులను దర్శకుడు శేఖర్ కమ్ముల.. తెలుగు ప్రేక్షకులను హీరో ధనుష్ పలకరించేందుకు రెడీ అవుతున్నారు. ఇద్దరు కూడా రొటీన్ టెంప్లేట్ తో కూడిన సినిమాలు చేసే వాళ్ళు కాదు కాబట్టి..
వీరి కాంబినేషన్లో వచ్చే సినిమా ఫ్రెష్ ఫీల్ ను కలిగిస్తుంది అని ప్రేక్షకులు ఆశాభావం వ్యక్తం చేస్తున్నారు. ఈ సినిమాకి గాను ధనుష్ రూ.50 కోట్ల పారితోషికం అందుకోబోతున్నారు అని ప్రచారం కూడా జరుగుతుంది. తమిళంలో అతను ఒక్కో సినిమాకి రూ.25 కోట్లు పారితోషికం తీసుకుంటాడు. అంటే శేఖర్ కమ్ముల సినిమా కోసం ధనుష్ రెండింతల పారితోషికం డిమాండ్ చేశాడన్నమాట.అయినప్పటికీ తమిళంలో బిజినెస్ అవుతుంది కాబట్టి.. నిర్మాతలు ఓకే చెప్పేసారు.
అతని పారితోషికమే రూ.50 కోట్లు అంటే సినిమా మొత్తానికి ఎంత బడ్జెట్ పెడుతున్నారు అనే డిస్కషన్లు ఇప్పుడు ఊపందుకున్నాయి. ఇప్పటివరకు దర్శకుడు శేఖర్ కమ్ముల.. రూ.25 కోట్ల నుండీ రూ.30 కోట్ల బడ్జెట్లో తన సినిమాలను తెరకెక్కించాడు. అయితే ధనుష్ సినిమాకి రూ.125 కోట్ల బడ్జెట్ అవుతుంది అని తెలుస్తుంది. పెద్ద పెద్ద స్టార్ క్యాస్ట్ ను ఎంపిక చేసుకుంటున్నారు కాబట్టి.. పారితోషికాల రూపంలో ఇంత పెద్ద మొత్తం పెట్టాల్సి వస్తుందని స్పష్టమవుతుంది.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
