‘ది ఫ్యామిలీ మ్యాన్’ సీజన్ 2 కోసం ప్రేక్షకులు ఆసక్తిగా ఎదురుచూస్తున్నారు. రెండేళ్ల క్రితం వచ్చిన సీజన్ 1కి మంచి రెస్పాన్స్ రావడంతో రెండో సీజన్ పై ఆసక్తి పెరిగిపోయింది. పైగా సమంత నటిస్తుండడం సౌత్ లో మంచి క్రేజ్ ఏర్పడింది. ఇప్పటివరకు ఈ సిరీస్ కు సంబంధించిన ప్రమోషన్స్ బాగానే చేశారు. కానీ గత నాలుగైదు రోజులుగా ఫ్యామిలీ మ్యాన్ టీమ్ సైలెంట్ గా ఉంటుంది. విడుదలకు మరో మూడు రోజులు మాత్రమే ఉంది. అయినా.. దర్శకనిర్మాతలు మౌనం వహిస్తున్నారు.
ముందు అనుకున్న ప్లాన్ ప్రకారమైతే ఈపాటికి ప్రమోషన్స్ ఓ రేంజ్ లో జరుగుతూ ఉంటారు. కానీ టీమ్ లో ఎవరూ కూడా సిరీస్ ను ప్రమోట్ చేయడం లేదు. నిజానికి ఈ సిరీస్ గురించి ఇప్పుడు మీడియాలో వార్తలు రాకపోవడమే బెటర్ అనే అభిప్రాయంతో ఉన్నారు. దానికి కారణం ఈ సిరీస్ చుట్టూ ముసురుకున్న వివాదమనే చెప్పాలి. ఇందులో సమంత పోషించిన టెర్రరిస్ట్ రోల్.. తమిళ టైగర్లను పోలి ఉండడంతో పెద్ద దుమారం చెలరేగింది. ఈ సిరీస్ ను బ్యాన్ చేయాలంటూ తమిళులు కోరుతున్నారు.
ఈ విషయం ప్రభుత్వం వరకు వెళ్లింది. ఈ క్రమంలో జూన్ 4న అసలు ఈ సిరీస్ విడుదలవుతుందా లేదా అనే సందేహాలు కలిగాయి. అయితే రెండు, మూడు రోజులుగా వివాదం కాస్త సద్దుమణిగిందనిపిస్తోంది. సిరీస్ చూసిన తరువాత ఓ అభిప్రాయానికి రావాలంటూ దర్శకులు ఓ ప్రకటన ఇచ్చేసి సైలెంట్ అయిపోయారు. ఇక అప్పటినుండి ఎలాంటి ప్రమోషన్స్ చేయడం లేదు. ఇప్పుడు ప్రమోషన్స్ చేస్తే మళ్లీ తమిళుల నుండి వ్యతిరేకత ఏర్పడే ఛాన్స్ ఉంది. అందుకే సైలెంట్ గా సిరీస్ రిలీజ్ చేయాలని ప్లాన్ చేస్తున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home