పెళ్లి విషయంలో కీర్తి సురేష్ ఫైనల్ డెసిషన్ అదేనట..!

‘నేను శైలజ’ ‘నేను లోకల్’ వంటి చిత్రాలతో తెలుగు ప్రేక్షకులకు పరిచయమైన కీర్తి సురేష్.. తక్కువ టైంలోనే మంచి క్రేజ్ ను సంపాదించుకుంది. అయితే దివంగత హీరోయిన్ సావిత్రి జీవిత కథతో తెరకెక్కిన ‘మహానటి’ చిత్రం మాత్రం ఈమెను ఓవర్ నైట్ స్టార్ హీరోయిన్ ను చేసేసిందనే చెప్పాలి. ఆ చిత్రంలో ఈమె నటనకు ప్రేక్షకులు నీరాజనాలు పట్టారు. తెలుగుతో పాటు తమిళ,మలయాళ భాషల్లో కూడా సూపర్ హిట్ గా నిలిచింది ఆ చిత్రం.

అంతేకాదు కీర్తి సురేష్ నటనకు గాను నేషనల్ అవార్డు కూడా దక్కడం విశేషం. ప్రస్తుతం కీర్తి.. చేతినిండా సినిమాలతో బిజీగా గడుపుతుంది. ఇలాంటి టైములో.. ఈమె పెళ్లి గురించి వార్తలు ఎక్కువ వస్తుండడాన్ని మనం చూస్తూనే వస్తున్నాం. మొన్నటికి మొన్న కీర్తి సురేష్.. ఓ ప్రముఖ బిజినెస్ మెన్ ను పెళ్లి చేసుకోబోతుందంటూ పెద్ద ఎత్తున ప్రచారం జరిగింది. అయితే ఆ వార్తల్లో నిజం లేదని కీర్తి క్లారిటీ ఇచ్చింది. అయితే కీర్తి సురేష్ ను త్వరగా పెళ్లి చేసుకోవాలంటూ..

ఆమె తల్లి దండ్రులు ఒత్తిడి చేస్తున్న మాట నిజమేనట. ‘కానీ నటిగా నేను ఇంకా ఎన్నో సాధించాలి అనుకుంటున్నాను. నేను కోరుకున్నది సాధించేందుకు కాస్త సమయం పడుతుంది. అప్పటి వరకూ పెళ్లి ప్రస్తావన తీసుకురావద్దంటూ’ కీర్తి తన తల్లిదండ్రులను కోరిందట. ఇక కీర్తి సురేష్ ప్రస్తుతం.. మహేష్ బాబు హీరోగా నటిస్తున్న ‘సర్కారు వారి పాట’ చిత్రంలో హీరోయిన్ గా నటిస్తున్న సంగతి తెలిసిందే.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!