Prabhas, Maruthi: ప్రభాస్ మూవీపై స్పందించిన మారుతి.. అదే సమస్య అంటూ?

ప్రభాస్ మారుతి కాంబినేషన్ లో ఒక సినిమా తెరకెక్కుతుండగా చాలాకాలం క్రితమే ఈ సినిమా షూటింగ్ మొదలైనా ఈ సినిమాకు సంబంధించి ఎలాంటి అప్ డేట్స్ రాలేదు. పీపుల్స్ మీడియా బ్యానర్ పై ఈ సినిమా తెరకెక్కుతుండగా ఈ సినిమా ఎప్పుడు థియేటర్లలో విడుదలవుతుందనే ప్రశ్నకు సంబంధించి సమాధానం దొరకాల్సి ఉంది. తాజాగా దర్శకుడు మారుతి ప్రభాస్ సినిమా గురించి స్పందించి ఆసక్తికర వ్యాఖ్యలు చేయగా ఆ వ్యాఖ్యలు నెట్టింట వైరల్ అవుతున్నాయి.

ఈ సినిమా టైటిల్ కు సంబంధించి వేర్వేరు వార్తలు ప్రచారంలోకి వస్తుండగా ఆ వార్తల్లో నిజానిజాలు తెలియాల్సి ఉంది. అయితే ఈ మూవీని సైలెంట్ గా షూట్ చేయడం గురించి మారుతి స్పందించి క్లారిటీ ఇచ్చే ప్రయత్నం చేశారు. స్టార్ హీరో ప్రభాస్ ప్రస్తుతం చేతినిండా వరుస ఆఫర్లతో బిజీగా ఉన్నారని మారుతి అన్నారు. తమ సినిమాకు సంబంధించిన అప్ డేట్స్ కూడా వస్తే ఫ్యాన్స్ గందరగోళానికి గురవుతారని మారుతి చెప్పుకొచ్చారు.

ముందుగానే తమ సినిమాలకు సంబంధించిన అప్ డేట్లు వస్తే సినిమా రిలీజ్ సమయానికి హైప్ కూడా తగ్గే అవకాశం అయితే ఉందని మారుతి కామెంట్లు చేశారు. మారుతి కామెంట్లలో కూడా నిజం లేకపోలేదని నెటిజన్ల నుంచి అభిప్రాయాలు వ్యక్తమవుతున్నాయి. అయితే కనీసం ఆ అప్ డేట్స్ ను ఎప్పుడు ఇస్తారో అయినా వెల్లడించాల్సి ఉంది. మారుతి గత సినిమాలు బాక్సాఫీస్ వద్ద ఆశించిన రేంజ్ లో సక్సెస్ సాధించలేదనే సంగతి తెలిసిందే.

మంచి రోజులు వచ్చాయి, పక్కా కమర్షియల్ సినిమాలు ఆశించిన ఫలితాన్ని అందుకోకపోవడంతో మారుతి మార్కెట్ తగ్గింది. తర్వాత ప్రాజెక్ట్ లతో మారుతి కచ్చితంగా భారీ విజయాలను సొంతం చేసుకోవాల్సి ఉంది. మారుతి రెమ్యునరేషన్ సైతం భారీ రేంజ్ లో ఉండగా తర్వాత సినిమాలతో మారుతి ఎలాంటి ఫలితాలను అందుకుంటారో చూడాల్సి ఉంది. మారుతికి (Maruthi) సోషల్ మీడియాలో సైతం క్రేజ్ పెరుగుతోంది.

మ్యాడ్ సినిమా రివ్యూ & రేటింగ్!

ది గ్రేట్ ఇండియన్ సూసైడ్ సినిమా రివ్యూ & రేటింగ్!
మామా మశ్చీంద్ర సినిమా రివ్యూ & రేటింగ్!