ఈ మధ్యకాలంలో సీనియర్ స్టార్ హీరోలకే కాదు పవన్ కళ్యాణ్ వంటి స్టార్ హీరోకి కూడా హీరోయిన్ల కష్టం వచ్చి పడింది. ‘వకీల్ సాబ్’ తరువాత పవన్ కళ్యాణ్ నుండీ రాబోతున్న ‘హరి హర వీరమల్లు’ సినిమాలో పవన్ కు హీరోయిన్ ను సెట్ చెయ్యడానికి దర్శకుడు క్రిష్ మరియు నిర్మాత ఏ.ఎం.రత్నం చాలా కష్టపడ్డారు. ఫైనల్ గా ఆ చిత్రంలో నిథి అగర్వాల్ ను ఫైనల్ చేశారు లెండి. 2022 సంక్రాంతికి లేదా సమ్మర్లో ఈ చిత్రం విడుదలయ్యే అవకాశాలు ఉన్నాయి.
దీంతో పాటు మలయాళం సూపర్ హిట్ ‘అయ్యప్పనుమ్ కోషియం’ రీమేక్లో కూడా పవన్ కళ్యాణ్ నటిస్తున్న సంగతి తెలిసిందే. పవన్ తో పాటు రానా కూడా మరో హీరోగా నటిస్తున్నాడు. రానా సరసన ఐశ్వర్య రాజేష్ ను హీరోయిన్ గా ఎంపిక చేసుకున్నారట. ఇక పవన్ కళ్యాణ్ సరసన నిత్యా మేనన్ ను ఫైనల్ చేసినట్టు వినికిడి. అయితే నిత్యా మేనన్ ను ఫైనల్ చెయ్యడం పై పవన్ ఫ్యాన్స్ మండిపడుతున్నారు. ముందుగా ఈ పాత్రకు సాయి పల్లవిని అనుకున్నట్టు ప్రచారం జరిగింది.
అయితే ప్రస్తుతం టాలీవుడ్లో ఏమాత్రం క్రేజ్ లేని నిత్యా మేనన్ ను తీసుకోవడం వారికి నచ్చలేదు. సాయి పల్లవి ఈ ప్రాజెక్టుని రిజెక్ట్ చెయ్యడం వెనుక అసలు కారణం వేరే ఉంది. ఈ సినిమాలో హీరోయిన్ పాత్రకు పెద్దగా ప్రాధాన్యత ఉండదు. కథ మొత్తం పవన్ – రానా ల పాత్రల చుట్టూనే తిరుగుతుంటుంది. అందుకే సాయి పల్లవి ఈ ప్రాజెక్టుకి నొ చెప్పినట్టు తెలుస్తుంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
