waltair veerayya: వాల్తేరు వీరయ్య కథలో కొరటాల శివ హ్యాండ్ ఉందా?

కొన్ని సినిమాలు రొటీన్ కథలతో తెరకెక్కినా బాక్సాఫీస్ వద్ద అద్భుతాలు చేస్తుంటాయి. అలా బాక్సాఫీస్ వద్ద కలెక్షన్లతో రికార్డులు క్రియేట్ చేసిన సినిమాలలో వాల్తేరు వీరయ్య మూవీ కూడా ఒకటి. అయితే ఈ సినిమా సక్సెస్ లో కొరటాల శివ హ్యాండ్ కూడా ఉందని తెలిసి నెటిజన్లు సైతం ఆశ్చర్యానికి గురవుతున్నారు. వాల్తేరు వీరయ్య సినిమా డైరెక్టర్ బాబీ మాట్లాడుతూ ఈ విషయాలను వెల్లడించారు.
తాను ఏ మూవీ కథ రాసినా మొదట రవితేజను దృష్టిలో ఉంచుకుని రాస్తానని బాబీ అన్నారు.

వాల్తేరు వీరయ్య ఫ్లాష్ బ్యాక్ రాస్తున్న సమయంలో ఆ పాత్రలో రవితేజ నటిస్తే బాగుంటుందని అనుకున్నానని సవతి తల్లి పిల్లలుగా పుట్టిన ఇద్దరు హీరోలను స్క్రీన్ పై చూపిస్తే ఎలా ఉంటుందనే ఆలోచన నాకు కలిగిందని బాబీ తెలిపారు. ఆ ఆలోచనను మొదట కొరటాల శివతో పంచుకున్నానని బాబీ అన్నారు. వాల్తేరు వీరయ్య మూవీలో రవితేజ లాంటి బలమైన రోల్ ఉంటుందని కొరటాల శివకు చెప్పగా చాలా బాగుంటుందని బలంగా నమ్మి రాయాలని కొరటాల శివ సూచించారని బాబీ అన్నారు.

కొరటాల శివ ఇచ్చిన ప్రోత్సాహం వల్లే ఆ పాత్రను అంత బలంగా రాయగలిగానని బాబీ పేర్కొన్నారు. ఈ విషయం తెలిసి కొరటాల శివ ఫ్యాన్స్ హ్యాపీగా ఫీలవుతున్నారు. కొరటాల శివ రేంజ్ అంతకంతకూ పెరుగుతోంది. కొరటాల శివ సినిమా ఇండస్ట్రీలో ఇతర దర్శకులకు కూడా తన వంతు సహాయ సహకారాలు అందించే విషయంలో ముందువరసలో ఉంటారు.

కొరటాల శివ ప్రస్తుతం తారక్ తో ఒక సినిమాను తెరకెక్కించనున్నారు. వచ్చే నెల నుంచి ఈ సినిమా రెగ్యులర్ షూట్ మొదలుకానుంది. ఎన్టీఆర్ కొరటాల శివ కాంబినేషన్ బాక్సాఫీస్ వద్ద ఏ స్థాయిలో మ్యాజిక్ చేస్తుందో చూడాల్సి ఉంది.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?