3 Movie: ధనుష్‌ ‘3’ ఫలితం గురించి స్పందించిన డైరక్టర్‌… ఏమన్నారంటే?

‘వై దిస్‌ కొలవరి…’ ఈ పాట గుర్తుందా? ఇప్పటి తరానికి ఈ పాట గురించి పరిచయం అవసరం ఏమో కానీ… నిన్నటి తరానికి ఈ పాట కోసం పరిచయమే అక్కర్లేదు. అంతలా ఆ పాట వైరల్‌ అయ్యింది. యూట్యూబ్‌ అప్పటికే ఉన్నా… ఈ పాట వచ్చినప్పుడు కొద్ది కొద్దిగా ఫాస్ట్‌ అవుతున్న రోజులివి. ఆ సమయంలో ఇంగ్లిష్‌ – తమిళం కలిపి రూపొందించిన ఆ పాట అదిరిపోయే విజయం అందుకుంది. అయితే ఆ పాటే ఆ సినిమా కొంపముంచింది అంటున్నారు ఆ చిత్ర దర్శకురాలు.

‘లాల్‌ సలామ్‌’ సినిమా విడుదల సందర్భంగా దర్శకురాలు ఐశ్వర్య రజనీకాంత్‌ మీడియాతో మాట్లాడారు. ఈ క్రమంలో ‘3’ సినిమా ప్రస్తావ వచ్చింది. ఆ సినిమా ఎందుకు డిజాస్టర్‌ అయ్యింది అనే విషయాన్ని ఆమె చెప్పారు. ధనుష్‌, శ్రుతి హాసన్‌ జంటగా నటించిన ప్రేమకథా చిత్రం ‘3’. అందులోని పాటే ‘వై దిస్‌ కొలవరి’. ధనుష్‌ ఆలపించిన ఈ పాట మేకింగ్‌ వీడియోతోనే భారీ విజయం అందుకుంది. పాట పాడే విధానమే అందుకు కారణం.

అయితే ‘3’ సినిమాను సీరియస్‌ ప్రేమకథగా రూపొందించాలనుకున్నారట దర్శకురాలు ఐశ్వర్య. కానీ ‘వై దిస్‌ కొలవరి’ పాట ఆ టోన్‌ను మార్చేసిందట. పాటకు ఆ స్థాయి స్పందన ఊహించలేదని, దీంతో సినిమా మేకింగ్‌ విషయంలో తమపై ఒత్తిడి పెరిగిందని చెప్పారామె. అయితే సినిమా విడుదలకు ముందే రికార్డులు సృష్టించిన ఆ పాట ఆ తర్వాత సినిమా విజయానికి ఏ మాత్రం ఉపయోగపడలేదని చెప్పారామె.

సినిమా (3 Movie) విషయంలో అలా జరుగుతుందని ఊహించలేదని, ఫలితం అంగీకరించడానికి కష్టంగా ఉన్నా చాలా మంది వారి జీవితానికి ఆ పాటను ఆపాదించుకుంటూ ఆదరించారని చెప్పారు. అయితే ఈ సినిమా రిలీజ్‌ అయినప్పుడు ఎవరూ స్పందించలేదు. కానీ రీ – రిలీజ్‌, టీవీలో టెలికాస్ట్‌ తర్వాత మంచి ఫలితం అందుకుందన్నారు ఐశ్వర్య. అయితే సినిమాకు పనికిరాని ఆ పాట మ్యూజిక్‌ డైరెక్టర్‌గా అనిరుధ్‌కు మాత్రం మంచి గుర్తింపు తెచ్చిపెట్టింది.

యాత్ర 2 సినిమా రివ్యూ & రేటింగ్!

ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!