Anushka Shetty : స్టార్ హీరోయిన్ అనుష్క పేరు వెనుక అంత కథ ఉందా.. !

తెలుగు, తమిళ భాషల్లో ఇప్పటికీ స్టార్ హీరోయిన్ గా కొనసాగుతుంది అనుష్క. మంగుళూరుకి చెందిన ఈ బ్యూటీ హీరోయిన్ కాక ముందు యోగా టీచర్ అన్న సంగతి తెలిసిందే. అయితే నాగార్జున ఈమెను ‘సూపర్’ మూవీ ద్వారా హీరోయిన్ గా పరిచయం చేశారు. పూరి జగన్నాథ్ దర్శకత్వంలో తెరకెక్కిన ఆ చిత్రం ఓ మాదిరిగా ఆడినప్పటికీ అనుష్కకి టాలీవుడ్లో మంచి అవకాశాలే వచ్చాయి. ఈరోజున ఆమె స్టార్ హీరోయిన్ గా ఎదగడానికి నాగార్జున పాత్ర ఎంతో ఉందని అనుష్క చాలా సందర్భాల్లో చెప్పుకొచ్చింది.

ఇదిలా ఉండగా.. నిజానికి అనుష్క అసలు పేరు స్వీటీ శెట్టి మాత్రమే..! కాకపోతే ఈమెకు అనుష్క పేరుని పెట్టింది మాత్రం ఓ స్టార్ నటుడు. అతను మరెవరో కాదు సోనూ సూద్. ‘సూపర్’ సినిమాలో అనుష్కకి.. అన్నయ్య పాత్రని సోనూ సూద్ పోషించాడు. ఆ సినిమా కథ మొత్తం అనుష్క పాత్ర చుట్టూనే తిరుగుతుంది. ఆ చిత్రం షూటింగ్ సమయంలో అనుష్క- సోనూ సూద్ ల మధ్య మంచి స్నేహం ఏర్పడిందట. అదే టైములో స్వీటీగా ఉన్న ఆమె పేరుని అనుష్కగా మార్చుకోమని సలహా ఇచ్చాడట.

అదే టైటిల్ ను స్క్రీన్ పై వేసేస్తాను అని పూరి కూడా అనడంతో అనుష్క పేరు అలా ఫిక్స్ అయ్యింది. సోనూ- అనుష్క లు ‘అరుంధతి’ సినిమాలో కూడా కలిసి నటించారు. నిజానికి ‘అరుంధతి’ చిత్రానికి హీరోయిన్ గా మొదట లక్ష్మీ మంచు ని అనుకున్నాడు దర్శకుడు కోడి రామకృష్ణ. కానీ ఆమె ఆ పాత్రని రిజెక్ట్ చేసింది. ఆ టైములో అనుష్కని ‘అరుంధతి’ పాత్రకి ఎంపిక చేసుకోమని సోనూ సూదే దర్శకుడు కోడి రామకృష్ణకి సూచించాడట.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!