Abijeet: బిగ్ బాస్ 4 విన్నర్ కు ఆఫర్లు లేవా..?

బుల్లితెర బిగ్గెస్ట్ రియాలిటీ షో బిగ్ బాస్ సీజన్ 4కు అభిజిత్ విన్నర్ గా నిలిచిన సంగతి తెలిసిందే. లైఫ్ ఈజ్ బ్యూటిఫుల్ తో పాటు మరికొన్ని సినిమాల్లో, వెబ్ సిరీస్ లలో నటించిన అభిజిత్ కు సినిమాలు, వెబ్ సిరీస్ ల ద్వారా పేరు, గుర్తింపు వచ్చినా కమర్షియల్ సక్సెస్ మాత్రం దక్కలేదు. బిగ్ బాస్ సీజన్ 4లో తొలి వారం నుంచి మిగతా కంటెస్టంట్లకు గట్టిపోటీ ఇచ్చిన అభిజిత్ కు రికార్డు స్థాయిలో ఓట్లు పోల్ అయ్యాయి.

బిగ్ బాస్ 4 గ్రాంఢ్ ఫినాలేకు కొన్ని వారాల ముందు నుంచే అభిజిత్ బిగ్ బాస్ సీజన్ 4 విన్నర్ అంటూ సోషల్, వెబ్ మీడియాలలో ప్రచారం జరగగా చివరకు ఆ ప్రచారమే నిజమైంది. మరోవైపు టాలీవుడ్ టాప్ సెలబ్రిటీలు అభిజిత్ కు మద్దతు ప్రకటించడంతో ఆయా సెలబ్రిటీల ఫ్యాన్స్ సైతం అభిజిత్ కు ఓట్లు వేశారు. బిగ్ బాస్ హౌస్ నుంచి బయటకు వచ్చిన తరువాత అభిజిత్ వరుస ఆఫర్లతో బిజీ అవుతాడని అభిజిత్ ఫ్యాన్స్ తో పాటు సామాన్య ప్రేక్షకులు సైతం భావించారు.

అయితే బిగ్ బాస్ గ్రాండ్ ఫినాలే జరిగి మూడున్నర నెలలైనా అభిజిత్ కొత్త ప్రాజెక్ట్ ను మాత్రం ఇప్పటివరకు ప్రకటించలేదు. బిగ్ బాస్ సీజన్ 4 కంటెస్టెంట్లలో చాలామంది సినిమాలు, వెబ్ సిరీస్ లు, ఈవెంట్లతో బిజీగా ఉండగా అభిజిత్ మాత్రం ఎక్కడా కనిపించడం లేదు. అయితే అతని ఫ్యాన్స్ మాత్రం త్వరలోనే ఒక మంచి ప్రాజెక్ట్ కు సంబంధించిన ప్రకటనతో అభిజిత్ ప్రేక్షకుల ముందుకు వస్తాడని అభిప్రాయపడుతున్నారు.

కొంతమంది అభిజిత్ ఫ్యాన్స్ మాత్రం అభిజిత్ మంచి కథ కోసం ఎదురు చూస్తున్నాడని భావిస్తున్నారు. మరి అభిజిత్ కు ఆఫర్లు రావడం లేదో లేక అభిజిత్ వచ్చిన ఆఫర్లకు గ్రీన్ సిగ్నల్ ఇవ్వడం లేదో తెలియాల్సి ఉంది.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!