సింగర్ మంగ్లీ ( Singer Mangli ) పుట్టినరోజు వేడుకల్లో భాగంగా గంజాయి, విదేశీ మద్యం పట్టుబడటం కలకలం రేపింది. చేవెళ్ల త్రిపుర రిసార్ట్ పై పోలీసులు రెయిడ్ చేసి వాటిని స్వాధీనం చేసుకోవడం.. పార్టీలో పాల్గొన్న వారిని అదుపులోకి తీసుకుని వైద్య పరీక్షలు నిర్వహించడం జరిగింది.ఇందుకు గాను మంగ్లీ ( Mangli) పై కేసు కూడా నమోదైంది.కానీ తర్వాత ఏం జరగబోతోంది.. అసలు పార్టీలో ఏం జరిగింది? అనేది క్లారిటీ లేకపోయినా.. ఎవరికి తోచింది వారు చెప్పుకుంటున్నారు.
ఈ క్రమంలో పోలీసుల ఎఫ్.ఐ.ఆర్ కాపీలో ఉన్న కీలక అంశాలు బయటికి వచ్చాయి.దీనిని బట్టి పోలీసులు ఈ విధంగా వెల్లడించారు. “రిసార్ట్‌లో పెద్దపెద్దగా సౌండ్ చేస్తూ రచ్చ చేస్తున్నట్టు రాత్రి ఒంటిగంట సమయంలో కంట్రోల్‌ రూమ్‌కి స్థానికులు ఫోన్ చేసి కంప్లైంట్ ఇచ్చారు. దీంతో మేము త్రిపుర రిసార్ట్ కి వెళ్ళాము. అక్కడ 10 మంది మహిళలు, 12 మంది పురుషులు కలిసి డీజే పెట్టి తెగ రచ్చ చేశారు.
దీనిపై ఆ రెస్టారెంట్ ఓనర్ ని ఆరా తీయగా అతను.. సింగర్ మంగ్లీ ( Singer Mangli) బర్త్‌డే పార్టీ అని తెలియజేశాడు. కానీ పార్టీకి ఎటువంటి అనుమతి తీసుకోలేదు. ఈ విషయాన్ని అతను కూడా అంగీకరించాడు. తర్వాత తనిఖీ చేయగా పార్టీలో పెద్ద ఎత్తున విదేశీ మద్యం ఉందని గుర్తించాం. దానిపై మంగ్లీని కూడా విచారించడం జరిగింది.పార్టీలో లిక్కర్‌, డీజేకి అనుమతి లేదని స్వయంగా మేనేజర్ చెప్పిన విషయం పై ఆరా తీశాము.
తర్వాత అందరికీ అందరికీ డ్రగ్స్ టెస్ట్ చేయించాము. ఒకరు గంజాయి తీసుకున్నట్లు నిర్దారించారు వైద్యులు” అంటూ లేడీ ఎస్సై స్టేట్మెంట్ ఆధారంగా ఈ ఎఫ్.ఐ.ఆర్ ఫైల్ అయ్యిందట. మరి దీనిని బట్టి పోలీసుల నెక్స్ట్ స్టెప్ ఏంటి అన్నది తెలియాల్సి ఉంది.
Home
