మహేష్‌బాబు ఇంట్లో దొంగతనానికి ప్రయత్నం..!

September 29, 2022 / 12:19 PM ISTByFilmy Focus

Join Us

మహేష్‌బాబు ఇంట్లో దొంగతనానికి ప్రయత్నం..!

ప్రముఖ కథానాయకుడు మహేష్ బాబు ఇంట్లో మంగళవారం రాత్రి చిన్నపాటి ఉద్రిక్తపరిస్థితి నెలకొంది. మహేష్‌బాబు ఇంట్లో లేని సమయంలో రాత్రి 11.30 ప్రాంతంలో ఆయన ఇంట్లోకి ఓ అగంతుకుడు ప్రవేశించే ప్రయత్నం చేశాడు. అప్రమత్తమైన మహేష్‌ ఇంటి రక్షణ సిబ్బంది అతన్ని పట్టుకుని పోలీసులకు అప్పగించారు. దీంతో ఈ విషయంలో వైరల్‌గా మారింది. అసలు ఎవరా వ్యక్తి, ఎందుకు ఇంట్లోకి వెళ్లడానికి ప్రయత్నించాడు అనే విషయాలను పోలీసులు తెలిపారు. పోలీసు వర్గాల సమాచారం ప్రకారం.. మహేష్‌ బాబు నివాస ప్రాంగణంలోకి మంగళవారం రాత్రి ఓ అగంతుకుడు దూకాడు.

ఆయన దూకిన గోడ బాగా ఎత్తుగా ఉండటంతో ఆ అంగతకుడు తీవ్ర గాయాల పాలయ్యాడట. కాపలాదారులు అతన్ని గమనించి అదుపులోకి తీసుకున్నారు. వెంటనే జూబ్లీహిల్స్‌ పోలీసులకు సమాచారం అందించారు. పోలీసులు అక్కడికి చేరుకొని ఆ అగంతుకుడిని అదుపులోకి తీసుకున్నారు. మహేష్‌బాబు జూబ్లీహిల్స్‌ రోడ్డు నం.81లో నివసిస్తున్నారు. మంగళవారం రాత్రి 11.30 గంటల ప్రాంతంలో ఆయన నివాస ప్రాంగణంలో ప్రహరీ గోడ పక్కన పెద్ద శబ్దం వచ్చిందట. కాపలాదారులు వెళ్లి చూస్తే..

ఓ వ్యక్తి గాయాలపాలై పడి ఉన్నాడట. ఏమైంది, ఎవరు అతన్ని విచారిస్తే.. మూడు రోజుల కిందట ఒడిశా నుండి హైదరాబాద్‌ వచ్చినట్లు చెప్పాడట. మహేష్‌ ఇంటికి సమీపంలో ఉన్న నర్సరీ దగ్గర ఉంటున్నా అని చెప్పాడు ఆ కుర్రాడు. మహేష్‌బాబు ఇంట్లో చోరీకి అని వచ్చి 30 అడుగుల గోడ పైనుంచి దూకడంతో గాయాలపాలయ్యాడని పోలీసులు చెప్పారు.

ఇక ఆ అగంతుకుడిని కృష్ణ (30) గా పోలీసులు గుర్తించారు. గాయాలపాలవ్వడంతో అతన్ని ఉస్మానియా ఆసుపత్రికి తరలించి చికిత్స అందిస్తున్నారు. ఇక ఈ ఘటన జరిగిన సమయంలో మహేష్‌బాబు నివాసంలో లేరు. కాపలాదారుల ఫిర్యాదుతో కేసు నమోదు చేసి దర్యాప్తు చేస్తున్నారు.