ఈసారి పవన్ మామిడి పండ్లు పంచడంలేదు..!

పవర్ స్టార్ పవన్ కళ్యాణ్ నటుడిగా, రాజకీయ నాయకుడిగానే కాదు.. ఓ రైతుగా కూడా జీవితాన్ని గడిస్తున్న సంగతి తెలిసిందే. హైదరాబాద్ శివారు ప్రాంతంలోని తన వ్యవసాయ క్షేత్రంలో ఆయన వ్యవసాయం చేస్తున్నారు. ప్రతి ఏడాది తన వ్యవసాయ క్షేత్రంలో పండిన మామిడి పండ్లను చిత్ర పరిశ్రమలోని ప్రముఖులతోపాటు, తన సన్నిహితులకు, తన తోటి నటులకు పంపడం పవన్ కళ్యాణ్ కు అలవాటు.

అయితే ఈ ఏడాది మామిడి పండ్ల కోసం ఎదురుచూస్తున్నవాళ్లందరికీ ఆశాభంగం కలిగింది. తెగులు సోకి మామిడి పంట దెబ్బ తినటంతో ఈసారి పవన్ ఎవ్వరికీ కూడా మామిడి పండ్లు పంపించడం లేదని ఆయన సన్నిహితులు తెలిపారు. దాంతో పవన్ స్వయంగా పండించిన మామిడిపండ్లను తినే అవకాశం కోసం ఎదురుచూస్తున్నవాళ్లందరూ ఖంగుతిన్నారు!