Tiger Nageswara Rao: సెన్సార్ పూర్తిచేసుకున్న ‘టైగర్ నాగేశ్వరరావు’.. రన్ టైం తెలిస్తే షాక్ అవుతారు..!

మాస్ మహారాజ్ రవితేజ నటించిన లేటెస్ట్ మూవీ ‘టైగర్ నాగేశ్వరరావు’.దేశాన్ని గజగజలాడించిన స్టూవర్టుపురం దొంగ అయిన నాగేశ్వరరావు జీవిత కథతో ఈ సినిమా రూపొందింది. ఈ సినిమాకి చాలా విశిష్టతలు ఉన్నాయి. రవితేజ నటించిన మొదటి పాన్ ఇండియా మూవీ ఇది. అలాగే ‘కార్తికేయ 2’ ‘ది కశ్మీర్ ఫైల్స్’ వంటి పాన్ ఇండియా హిట్లు కొట్టిన అభిషేక్ అగర్వాల్ నిర్మించిన సినిమా, ఇదే సినిమాతో కృతి సనన్ చెల్లెలు నుపుర్ సనన్ టాలీవుడ్ కి హీరోయిన్ గా ఎంట్రీ ఇస్తుంది.

మరోపక్క పవన్ కళ్యాణ్ మాజీ భార్య రేణు దేశాయ్ కూడా ఈ చిత్రంతో సినిమాల్లోకి రీ ఎంట్రీ ఇస్తుంది. దీంతో ఈ సినిమా పై భారీ అంచనాలు ఏర్పడ్డాయి. తాజాగా ఈ చిత్రం సెన్సార్ కార్యక్రమాలు పూర్తి చేసుకోవడం జరిగింది. ఈ చిత్రానికి కొన్ని కట్స్ తో యు/ఎ సర్టిఫికెట్ ను జారీ చేసింది చిత్ర బృందం. కొన్ని చోట్ల వయొలెన్స్ ఎక్కువగా ఉండటం వల్ల.. సెన్సార్ సభ్యులు కొన్ని కట్స్ విధించినట్టు తెలుస్తుంది.

అయితే రన్ టైం మాత్రం అందరికీ షాకిస్తుంది అనే చెప్పాలి. ఎందుకంటే ‘టైగర్ నాగేశ్వరరావు’ రన్ టైం ఏకంగా 3 : 1 : 39 గంటలు వచ్చిందట. అంటే ప్రేక్షకులు దాదాపు 3 గంటల 20 నిమిషాల పాటు థియేటర్లలో ఉండాల్సిందే. వాస్తవానికి ‘టైగర్ నాగేశ్వరరావు’ కథ చాలా పెద్దది. ఒక భాగంలో చెప్పేది అయితే కాదు. కానీ బడ్జెట్ ను దృష్టిలో పెట్టుకుని 3 గంటల్లో చూపించడానికి మేకర్స్ రెడీ అయినట్లు తెలుస్తుంది.

గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?

‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు