పవర్ స్టార్ పవన్ కళ్యాణ్ ఓ పక్క తన ‘జనసేన’ పార్టీ వ్యవహారాలను చూసుకుంటూనే.. మరో పక్క వరుసగా సినిమాలు చేస్తూ క్షణం తీరిక లేకుండా గడుపుతున్నాడు. ప్రస్తుతం తన 26 వ చిత్రమైన ‘పింక్’ చిత్రంలో నటిస్తూనే మరోపక్క క్రిష్ డైరెక్షన్లో తన 27వ చిత్రాన్ని కూడా అనౌన్స్ చేసేసాడు. ఈ ప్రాజెక్ట్ ను ఏ.ఎం.రత్నం నిర్మిస్తున్నాడు. పిరియాడిక్ డ్రామాగా ఈ చిత్రం తెరకెక్కుతుంది. రాబిన్ హుడ్ రేంజ్ పాత్రలో పవన్ కనిపిస్తాడని తెలుస్తుంది. ఇక ఈ చిత్రానికి టైటిల్ కూడా ఫిక్స్ చేసారనేది తాజా సమాచారం.
అందుతున్న సమాచారం ప్రకారం.. పవన్ కళ్యాణ్ 27వ చిత్రానికి ‘విరూపాక్షి’ అని తెలుస్తుంది. ఈ చిత్రంలో పవన్ పాత్ర పేరు వీరు అట. సాధారణంగా క్రిష్ సినిమాల్లో హీరోయిజం పెద్దగా కనిపించదు. ఆయన సినిమాల్లే కధే హీరో. ఇప్పుడు పవన్ తో తీయబోయే చిత్రం కూడా అంతే..! ప్రస్తుతం రాజకీయాల్లో ఉన్నారు కాబట్టి.. ఇది పవన్ కు కరెక్ట్ సినిమా అని ఇన్సైడ్ టాక్. ఫిబ్రవరి 16 నుండీ ఈ చిత్రం షూటింగ్ లో పవన్ కూడా జాయిన్ అవుతారట. అయితే ‘విరూపాక్షి’ అనే టైటిల్ ను పవన్ ఫ్యాన్స్ ఎంత వరకూ రిసీవ్ చేసుకుంటారు అనేది చూడాల్సి ఉంది.
Most Recommended Video
జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!
Home