Puri, Vijay: విజయ్‌ పాన్‌ ఇండియా రిలీజ్‌కి టైటిల్‌ కష్టాలు!

March 7, 2022 / 01:32 PM ISTByFilmy Focus

Join Us

Puri, Vijay: విజయ్‌ పాన్‌ ఇండియా రిలీజ్‌కి టైటిల్‌ కష్టాలు!

పాన్‌ ఇండియా సినిమా చేసేటప్పుడు అన్ని భాషల్లో సినిమా టైటిల్‌ ఒకటే అవ్వాలి. అలా అయితేనే సినిమాకు సరైన రిసీవింగ్‌ ఉంటుంది అంటారు. అందుకే ఇప్పటివరకు పాన్‌ ఇండియా సినిమాలు చేసిన దర్శకులు కామన్‌ పేరునే పెట్టారు. తెలుగులో అర్థం లేకపోయినా ఆ పేరును అలానే ఉంచేశారు కూడా. అయితే పూరి జగన్నాథ్‌ చేయబోతున్న సరికొత్త పాన్‌ ఇండియా చిత్రం ‘జన గణ మన’కి ఈ విషయంలో ఇబ్బంది ఎదురయ్యేలా ఉంది. కారణం సినిమా పేరే అంటున్నారు పరిశీలకులు.

పూరి జగన్నాథ్‌ కలల సినిమా అంటే ‘జన గణ మన’ అని చెప్పేస్తారు సినిమా అభిమానులు. ఆ సినిమా గురించి ఆయన అన్నిసార్లు చెప్పారు మరి. విజయ్‌ దేవరకొండతో పూరి ఆ సినిమా చేస్తున్నారని తాజా పుకారు. దాని గురించి అఫీషియల్‌ అనౌన్స్‌మెంట్ రాకపోయినా… సినిమా ప్రీ ప్రొడక్షన్‌ పనులు అయితే ఫుల్‌ స్వింగ్‌లో నడుస్తున్నాయట. సరిగ్గా ఈ సమయంలోనే సినిమా టైటిల్‌ను మార్చాల్సిన అవసరం వచ్చింది అంటున్నారు. కారణం అదే పేరుతో మరో రెండు సినిమాలు తెరకెక్కుతుండటమే.

‘జన గణ మన’ పేరుతో తమిళ, మలయాళ ఇండస్ట్రీల్లో సినిమాలు తెరకెక్కుతున్నాయి. త్వరలో ఆ సినిమా రిలీజ్‌ అవుతున్నాయి కూడా. దీంతో ఆయా చోట్ల ‘జన గణ మన’ పేరుతో సినిమా విడుదల చేయడం పూరికి అసాధ్యం. దీంతో సినిమాకు మరో పేరు పెట్టే ఆలోచన చేయాల్సిందే అంటున్నారు. తమిళంలో జయం రవి ‘జన గణ మన’ అనే సినిమా చేస్తున్నాడు. ఇందులో తాప్సి కథానాయిక. ఈ సినిమాను రెండు నెలల్లో విడుదల చేస్తారని టాక్‌.

Puri Jagannadh with Vijay Devarakonda

ఇక పృథ్విరాజ్‌ సుకుమారన్‌ హీరోగా మలయాళంలో ‘జన గణ మన’ పేరుతో ఓ సినిమా సిద్ధమైంఇ. ఈ సినిమాను ఏప్రిల్‌ 28న విడుదల చేస్తున్నట్లు చిత్రబృందం ఇటీవల ప్రకటించింది. దీంతో ఒకే పేరుతో రెండు సినిమాలు వెంట వెంటనే రావడం కష్టం. వచ్చినా ఇబ్బందులు ఎదుర్కొంటారు. ఈ నేపథ్యంలో పూరి జగన్నాథ్‌ సినిమాకు టైటిల్‌ మార్చడం మినహా మరేం ఆప్షన్‌ లేదు అంటున్నారు. చూద్దాం పూరి ఏం చేస్తారో.