‘స్వప్న సంక్రాంతి ముగ్గయితే.. నేను గొబ్బెమ్మను రా’ … ఈ డైలాగ్ ఎంత పాపులర్ అయ్యిందో ప్రత్యేకంగా చెప్పనక్కర్లేదు. ‘ఒక్కడు’ చిత్రంలో విలన్ ప్రకాశ్ రాజ్ ఎంతో ఇంటెన్సిటీతో ఈ డైలాగ్ చెబుతాడు. ఆ చిత్రంలో ప్రకాష్ రాజ్ క్యారెక్టర్ హైలెట్ అని చెప్పాలి. అయితే మొదట ఈ పాత్రని మన యాక్షన్ హీరో గోపీచంద్ తో చేయించాలి అనుకున్నారట. ఆ టైములో కొన్ని ఫైనాన్షియల్ క్రైసిస్ కారణంగా గోపీచంద్ విలన్ గా సినిమాలు చేస్తూ వచ్చాడు.
అప్పటికే ‘జయం’ చిత్రంలో తన విలనిజంతో ప్రశంసలు అందుకున్నాడు. దాంతో ‘ఒక్కడు’ సినిమాలో కూడా గోపీచంద్ ను విలన్ గా తీసుకోవాలి అని భావించారట. అయితే దీనికి హీరో మహేష్ బాబు అంగీకరించలేదట. ఎందుకంటే… మరోపక్క మహేష్ హీరోగా తేజ డైరెక్షన్లో తెరకెక్కుతోన్న ‘నిజం’ చిత్రంలో కూడా గోపీచందే విలన్. దాంతో తన రెండు సినిమాల్లోనూ విలన్ ఒక్కరే అయితే బాగోదు అనే ఉద్దేశంతో మహేష్ … గోపీచంద్ ను వద్దన్నాడట.
దీంతో ప్రకాష్ రాజ్ ను తీసుకున్నట్టు నిర్మాత యం.ఎస్.రాజు ఇటీవల ఓ ఇంటర్వ్యూలో చెప్పుకొచ్చారు. ‘గోపీచంద్ లాంటి గొప్ప నటుడిని ‘ఒక్కడు’ వంటి సూపర్ హిట్ సినిమాలో చేయించలేకపోయాను. అందుకే ‘వర్షం’ సినిమాకి తీసుకున్నాను అని’ యం.ఎస్.రాజు తెలిపారు.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
