Prabhas: ప్రభాస్ ఆ విషయంలో రైటే.. కానీ..?

యంగ్ రెబల్ స్టార్ ప్రభాస్ హీరోగా తెరకెక్కుతున్న సినిమాల కోసం తెలుగు రాష్ట్రాల ప్రేక్షకులతో పాటు ఇతర రాష్ట్రాల ప్రేక్షకులు సైతం ఆసక్తిగా ఎదురుచూస్తున్న సంగతి తెలిసిందే. ఫ్లాప్ టాక్ తెచ్చుకున్న సాహో సినిమాతో బాలీవుడ్ బాక్సాఫీస్ ను షేక్ చేసిన ప్రభాస్ తన సినిమాకు హిట్ టాక్ వస్తే కొత్త రికార్డులు క్రియేట్ చేస్తాడనటంలో సందేహం అవసరం లేదు. ప్రస్తుతం ప్రభాస్ పాన్ ఇండియా హీరోగా వెలుగు వెలుగుతున్నారు.

మన దేశంలోని పాపులర్ హీరోలలో ఒకరైన ప్రభాస్ తన మంచితనం వల్ల కొన్ని పొరపాట్లు చేస్తున్నారని ఇండస్ట్రీ వర్గాల్లో వినిపిస్తోంది. ప్రభాస్ బాహుబలి సిరీస్ తో భారీస్థాయిలో క్రేజ్ ను సొంతం చేసుకున్న తరువాత కొంతమంది నిర్మాతలు తమ సినిమాలను ప్రభాస్ ద్వారా ప్రమోషన్ చేయించుకుంటున్నారు. జాంబీరెడ్డి, యువరత్న, జాతిరత్నాలు, గుడ్ లక్ సఖీ, మత్తువదలరా, అందరూ బాగుండాలి అందులో నేనుండాలి, మోసగాళ్లు, తెల్లారితే గురువారం, ఏక్ మినీ కథ సినిమాలకు ప్రభాస్ ప్రమోషన్స్ చేశారు.

ఈ సినిమాలతో పాటు మరికొన్ని సినిమాలకు సైతం ప్రభాస్ తన మంచితనంతో తనవంతు సహాయం అందించారు. అయితే ప్రభాస్ ప్రమోషన్స్ చేసిన సినిమాలలో కొన్ని సినిమాలు ఆశించిన స్థాయిలో సక్సెస్ కావడం లేదు. ప్రభాస్ సినిమాలకు చేస్తున్న ఫ్రీ ప్రమోషన్స్ వల్ల అతని బ్రాండ్ వాల్యూకు ఇబ్బంది వస్తుందని ప్రభాస్ ఫ్యాన్స్ భావిస్తున్నారు. చిన్న సినిమాలకు సపోర్ట్ ఇవ్వాలనే ప్రభాస్ నిర్ణయం రైటే అయినా ప్రతి సినిమాకు సపోర్ట్ చేస్తే ప్రభాస్ ఎండార్స్ మెంట్ వాల్యూ తగ్గుతుందని ఫ్యాన్స్ అభిప్రాయపడుతున్నారు.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!