కొందరు దర్శకులు లేటైనా పర్లేదు స్టార్ హీరోతోనే చేస్తాం అని మడిగట్టుకు కూర్చుంటారు. అలాంటి దర్శకులలో వంశీ పైడిపల్లి ఒకరు. కెరీర్ బిగినింగ్ నుండి వంశీ పైడిపల్లి స్టార్ హీరోలతోనే సినిమాలు చేశారు. గత ఏడాది ఆయన చేసిన మహర్షి మూవీ మంచి విజయం సాధించడంతో మహేష్ మరో మూవీ చేసే ఆఫర్ ఇచ్చారు. సరిలేరు నీకెవ్వరు మూవీ తరువాత మహేష్ వెంటనే వంశీ పైడిపల్లి మూవీ షూట్ లో పాల్గొనాల్సి ఉంది. కొద్దిరోజులలో షూటింగ్ అనగా మూవీ హోల్డ్ లో పడింది.
మహేష్ స్క్రిప్ట్ ని సాకుగా చూపి, మూవీ చేయను అన్నారు. ఇక వాస్తవంలో ఆ చిత్ర నిర్మాతగా ఉన్న దిల్ రాజు మహేష్ అడిగిన రెమ్యూనరేషన్ ఇవ్వకపోవడంతోనే ప్రాజెక్ట్ నుండి తప్పుకున్నారని వార్తలు రావడం జరిగింది. మహేష్ పరుశురాంతో మూవీ ఒప్పుకోగా ఆ తరువాత రాజమౌళితో మూవీ చేయనన్నాడు. దీనితో మహేష్ పై ఆశలు వదిలేసుకున్న వంశీ పైడిపల్లి మరో స్టార్ హీరో వేటలో ఉన్నారు. ఐతే టాలీవుడ్ లో ఒక్క స్టార్ హీరో కూడా మరో మూడేళ్ళ వరకు ఖాళీగా లేరు.
చరణ్ మాత్రమే ఆర్ ఆర్ ఆర్ తరువాత చేసే మూవీ ప్రకటించలేదు. దీనితో చరణ్ తో మూవీకి వంశీ గట్టి ప్రయత్నాలు చేశారని తెలుస్తుంది. కాగా వంశీ పైడిపల్లి మొదటిసారి టు టైర్ హీరోతో మూవీకి సిద్ధం అవుతున్నాడని వార్తలు వస్తున్నాయి. న్యాచురల్ స్టార్ నానితో మూవీ కోసం వంశీ ప్రయత్నాలు మొదలుపెట్టారట. నానికి ఓ స్క్రిప్ట్ వినిపించడం కూడా జరిగిందట. ఈ ప్రాజెక్ట్ పై నాని కూడా సుముఖంగా ఉండగా, ఓకే కావచ్చు అంటున్నారు.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
