స్టార్ హీరోలే కాదు ‘టైర్ 2’ హీరోలు.. అంటే మీడియం రేంజ్ హీరోలు కూడా తమ సినిమాలతో బాక్సాఫీస్ ను షేక్ చేస్తున్నారు. ఇలాంటి సందర్భాలను మనం చాలా సార్లు చూశాం. వీళ్ళ సినిమాలు కూడా మొదటి రోజు నాడు అసాధారణమైన కలెక్షన్స్ సాధిస్తున్నాయి.స్టార్ డైరెక్టర్లతో.. అలాగే స్టార్ ప్రొడ్యూసర్లతో సినిమాలు చెయ్యకపోయినా .. మొదటి రోజు వీళ్ళ సినిమాలకి కూడా మంచి కలెక్షన్లు వస్తుండటం అంటే చిన్న విషయం ఏమీ కాదు. వీళ్ళ సినిమాలకు ఉండే డిమాండ్ కూడా అలాంటిది. ఒకవేళ సినిమాకి భారీ హైప్ ఏర్పడిందంటే చాలు బాక్సాఫీస్ వద్ద స్టార్ హీరోల సినిమాలతో సమానంగా ఓపెనింగ్స్ వస్తున్నాయి. లేటెస్ట్ గా వచ్చిన నాని ‘దసరా’ సినిమాకి అలాంటి అద్భుతమే జరిగింది.
ఒకవేళ స్టార్ డైరెక్టర్స్ అలాగే స్టార్ ప్రొడ్యూసర్లతో సినిమాలు చేస్తే .. వీళ్ళ సినిమాలు ఏ రేంజ్లో కలెక్ట్ చేస్తాయో ప్రత్యేకంగా చెప్పనవసరం లేదు.ఏడాదికి రెండు, మూడు సినిమాలు చేసి సినీ కార్మికులకు ఉపాధి కల్పిస్తుంది వీళ్ళే. నాని , విజయ్ దేవరకొండ, వరుణ్ తేజ్, నితిన్,.. అబ్బో ఈ లిస్ట్ కొంచెం పెద్దదే. మరి మొదటిరోజు అదీ తెలంగాణాలో(నైజాం) ఏరియాలో అత్యధిక కలెక్షన్లను రాబట్టిన ‘టైర్ 2’ హీరోల సినిమాలు ఏంటో ఓ లుక్కేద్దాం రండి :
1) దసరా :
నాని హీరోగా శ్రీకాంత్ ఓదెల దర్శకత్వంలో తెరకెక్కిన ఈ చిత్రం మొదటి రోజు నైజాం ఏరియాలో రూ.6.75 కోట్ల షేర్ ను రాబట్టి ఆల్ టైం రికార్డు సృష్టించింది.
2) లైగర్ :
విజయ్ దేవరకొండ హీరోగా పూరి జగన్నాథ్ దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.4.22 కోట్ల షేర్ ను రాబట్టింది.
3) ఇస్మార్ట్ శంకర్ :
రామ్ హీరోగా పూరి జగన్నాథ్ దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.3.23 కోట్ల షేర్ ను రాబట్టింది.
4) ఎం.సి.ఎ :
నేచురల్ స్టార్ నాని హీరోగా వచ్చిన ఈ చిత్రం మొదటి రోజు నైజాంలో రూ.3.10 కోట్ల షేర్ ను రాబట్టింది. వేణు శ్రీరామ్ డైరెక్ట్ చేసిన ఈ చిత్రాన్ని దిల్ రాజు వంటి స్టార్ ప్రొడ్యూసర్ నిర్మించడం మరియు డిస్ట్రిబ్యూట్ చేయడంతో మంచి వసూళ్లు వచ్చాయి.
5) ఉప్పెన :
వైష్ణవ్ తేజ్ హీరోగా కృతి శెట్టి హీరోయిన్ గా బుచ్చిబాబు సానా దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.3.08 కోట్ల షేర్ ను రాబట్టింది.
6) లవ్ స్టోరీ :
నాగచైతన్య, సాయి పల్లవి హీరో హీరోయిన్లుగా శేఖర్ కమ్ముల దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.3.06 కోట్ల షేర్ ను రాబట్టింది.
7) డియర్ కామ్రేడ్ :
విజయ్ దేవరకొండ, రష్మిక కాంబినేషన్ లో వచ్చిన ఈ చిత్రం మొదటి రోజు నైజాంలో రూ.2.75 కోట్ల షేర్ ను రాబట్టింది. భరత్ కమ్మ డైరెక్ట్ చేసిన ఈ చిత్రం.. ‘గీత గోవిందం’ పెయిర్ కావడం అందులోనూ ‘మైత్రి మూవీ మేకర్స్’ వంటి పెద్ద సంస్థ నిర్మించడంతో మంచి వసూళ్లు వచ్చాయి.
8) శైలజారెడ్డి అల్లుడు :
నాగ చైతన్య హీరోగా మారుతి దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.2.50 కోట్ల షేర్ ను రాబట్టింది.
9) అఖిల్ :
అఖిల్ హీరోగా వి.వి.వినాయక్ దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.2.31 కోట్ల షేర్ ను రాబట్టింది.
10) క్రాక్ :
రవితేజ హీరోగా గోపీచంద్ మలినేని దర్శకత్వంలో తెరకెక్కిన ఈ చిత్రం మొదటి రోజు నైజాంలో రూ.2.28 కోట్ల షేర్ ను రాబట్టింది.
