Trikala Review in Telugu: త్రికాల సినిమా రివ్యూ & రేటింగ్!

అందువల్ల సైకోలా మారిపోతాడు. సూర్య వర్ధన్ కుటుంబ పరిస్థితిని గమనించిన అతని స్నేహితుడు సూర్యనారాయణ (సూర్య), సూర్య వర్ధన్‌కి సంధ్య (ఆమని)తో రెండో పెళ్లి చేస్తాడు. సంధ్య రాకతో ఆ ఇంట్లో చీకట్లు తొలగిపోతాయి. వైతరణ్‌ని ప్రాణంగా చూసుకుంటూ తల్లి లేని లోటు తీరుస్తుంది. సూర్య వర్ధన్ కూడా తాగుడు మానేసి ప్రశాంతంగా ఉంటాడు.అంతా బాగుంది అనుకునే టైంలో, ఒకరోజు వైతరణ్ దారుణంగా తన తండ్రి సూర్య వర్ధన్ వర్మని చంపేస్తాడు. కొద్దిరోజుల తర్వాత పెంచిన తల్లి సంధ్యని సైతం హతమారుస్తాడు! అసలు అంతగా ప్రేమించిన తల్లిని వైతరణ్ ఎందుకు చంపాల్సి వచ్చింది? సూర్యనారాయణ కొడుకైన సంపత్(రవివర్మ).. వైతరణ్ కుటుంబానికి చేసిన ద్రోహం ఏంటి? మరి ఈ మొత్తం కథలో శివ (మాస్టర్ మహేంద్రన్) ఎవరు? మాయ(శ్రద్దాదాస్) ఎవరు? శివ ప్రేమించిన అమ్మాయి నిధి ఏమైంది? సంపత్ చేసిన ద్రోహాన్ని శివ ఎలా బయటపెట్టాడు? కాటేరమ్మ శాపం నుండి వైతరణ్ కి విముక్తి కలిగిందా లేదా? అసలు వైతరణ్ ఎలా చనిపోయాడు? అనేది మిగిలిన కథ.

నటీనటుల పనితీరు: మాస్టర్ మహేంద్రన్ ఈ సినిమాలో హీరో అయినప్పటికీ కథంతా నడిచేది వైతరణ్ గా చేసిన అజయ్ పాత్ర చుట్టూ అనే చెప్పాలి. మాస్టర్ మహేంద్రన్ తన పాత్ర వరకు న్యాయం చేశాడు. కానీ ఎక్కువగా హైలెట్ అయ్యింది అజయ్ పాత్రే. వైతరణ్ గా అజయ్ ది బెస్ట్ ఇచ్చాడు. కొన్ని చోట్ల అతన్ని చూస్తేనే భయమేస్తూ ఉంటుంది. సైకాలజీ స్పెషలిస్ట్ అండ్ ఇన్వెస్టిగేటివ్ జర్నలిస్ట్ మాయ పాత్రకి శ్రద్ధాదాస్ బాగానే సెట్ అయ్యింది. తల్లి పాత్రలో ఆమని మంచి ఆప్షన్ అనిపించుకుంది.

ఆమె చెప్పిన కొన్ని డైలాగులు బాగుంటాయి. కానీ ఆ పాత్రను ముగించిన తీరు కొంచెం డిజప్పాయింట్ చేస్తుంది. దేవి ప్రసాద్ బాగానే చేశాడు. రవివర్మ కన్నింగ్ విలన్ రోల్స్ కి పెట్టింది పేరు. ఈ సినిమాలో కూడా అతని మార్క్ నటనతో హైలెట్ అయ్యాడు. సీనియర్ నటుడు సూర్య చాలా కాలం తర్వాత కనిపించాడు. ఎప్పటిలానే తన పాత్రకి జీవం పోశాడు. ఈ సినిమాలో దివంగత నటుడు ఫిష్ వెంకట్ కూడా నటించాడు. ఆడియన్స్ అతన్ని చూడగానే నోస్టాలజిగా ఫీలవుతారు. ఛత్రపతి శేఖర్ కూడా తన పాత్రకి న్యాయం చేశాడు.

సాంకేతిక నిపుణుల పనితీరు: ‘త్రికాల’…. టైటిల్, అలాగే ‘స్క్రిప్ట్ ఆఫ్ గాడ్’ అనే క్యాప్షన్ చూసిన ఏ ప్రేక్షకుడైనా ఇది ఒక మంచి మైథాలజీ సబ్జెక్ట్ ఏమో అనుకుంటాడు. ఆ రేంజ్ సెటప్ కూడా ఈ కథలో ఉంది. దర్శకుడు మణి ఎంపిక చేసుకున్న పాయింట్ చాలా బాగుంది. సినిమా మొదలైన మొదటి 5 నిమిషాలు చాలా ఇంట్రెస్టింగ్ గా ఉంటుంది. కానీ, ఎప్పుడైతే హీరో ట్రాక్ మొదలైందో అక్కడ కొంత కన్ఫ్యూజన్ ఏర్పడుతుంది. అయినప్పటికీ కొన్ని కొన్ని ఆసక్తికరమైన సన్నివేశాలు వచ్చి వెళ్తుండటం వల్ల టైం పాస్ అయిపోతుంది. ప్రీ ఇంటర్వెల్ బ్లాక్ వద్ద వచ్చే హర్రర్ ఎఫెక్ట్స్ బాగా కుదిరాయి, భయపెట్టాయి అని కూడా చెప్పొచ్చు. వాటికి బ్యాక్ గ్రౌండ్ స్కోర్ కూడా బాగా సెట్ అయ్యింది. కథకుడిగా కూడా దర్శకుడు మణి తన టాలెంట్ తో మెప్పించే ప్రయత్నం చేశాడు. కొత్త దర్శకుడైనప్పటికీ ఎక్కడా బ్యాలన్స్ తప్పలేదు. ‘యానిమల్’ వంటి సెన్సేషనల్ మూవీకి సంగీతం అందించిన హర్షవర్ధన్ రామేశ్వర్ ఈ చిత్రానికి సంగీత దర్శకుడు.

కానీ కొన్ని చోట్ల షాజిత్ హుమయున్ మ్యూజిక్ డైరెక్టర్ అని ఉంది. బహుశా ఇతను బ్యాక్ గ్రౌండ్ స్కోర్ అందించి ఉండొచ్చు! ఒక పాట వినడానికి బాగుంది. ప్రేతాత్మ ట్రాక్ వచ్చాక.. సినిమా ఇంకాస్త ఇంట్రెస్టింగ్ గా మారుతుంది.చివరికి వైతరణ్ పాత్ర ‘త్రికాల’ అనే దేవుడి పాత్రగా మార్చడం అనేది ఓ సెక్షన్ ఆఫ్ ఆడియన్స్..కి నచ్చుతుంది.సినిమాటోగ్రఫీ పరంగా చూసుకుంటే.. సినిమా స్టార్టింగ్లో వచ్చే ఫ్లాష్ బ్యాక్ ఎపిసోడ్ విజువల్స్ భలే అనిపిస్తాయి. సినిమాకి రిచ్ నెస్ కూడా తీసుకొచ్చాయి. ఇంత మంది స్టార్ క్యాస్టింగ్ ను పెట్టుకోవడాన్ని బట్టి నిర్మాత ఎంతో ప్యాషనేట్ గా కథకి కావాల్సినంత ఖర్చు చేశారు అనడంలో ఎటువంటి అతిశయోక్తి లేదు.

విశ్లేషణ: మంచి టైటిల్, బలమైన థీమ్, క్రేజీ క్యాస్టింగ్, టాలెంటెడ్ టెక్నికల్ టీం వర్క్ వంటివన్నీ ఈ ‘త్రికాల’ కి మేజర్ ప్లస్ పాయింట్స్. ఫస్ట్ హాఫ్ ని ఇంకాస్త క్లారిటీగా తెరకెక్కించి ఉండుంటే.. దీని స్థాయి ఇంకా పెరిగేది. థియేటర్లో ఒకసారి ట్రై చేసే సినిమా అనే చెప్పాలి.

ఫోకస్: డీసెంట్ మైథలాజికల్ థ్రిల్లర్

రేటింగ్: 2.5/5