‘యానిమల్‌’ సినిమా వచ్చే ముందు వరకు రణ్‌బీర్‌ కపూర్‌, సందీప్ రెడ్డి వంగా, రష్మిక మందన గురించి మాట్లాడుకునేవారు. వన్స్ సినిమా రిలీజ్ అయిపోయాక ఇప్పుడు ఈ లిస్ట్‌ నుండి ఓ పేరు కాస్త తక్కువ వినిపిస్తోంది. ఇంకో పేరు చాలా ఎక్కువగా వినిపిస్తోంది. ఆ పేరే త్రిప్తి దిమ్రి. ‘యానిమల్‌’ సినిమా ఒకే ఒక్క సీన్‌తో మొత్తం ఇండస్ట్రీని, కుర్రకారును తనవైపు తిప్పుకుంది. దానికి కారణం ఒక ఇంటిమేట్‌ సీన్‌ అని మీకు ఇప్పటికే తెలుసుంటుంది కూడా.
సోషల్‌ మీడియాలో తెగ వైరల్‌ అయిన ఆ సన్నివేశం గురించి సినిమా విడుదలకు ముందు ఎక్కడా ఎవరూ మాట్లాడలేదు. కేవలం రణ్‌బీర్‌, రష్మిక మధ్యలో ఉండే రొమాంటిక్‌ సీన్స్‌ గురించే చెప్పారు. అనూహ్యంగా సినిమాలో ఆ సీన్‌ వచ్చేసింది. దీని గురించి తొలిసారిగా త్రిప్తి దిమ్రి మాట్లాడింది. ఆ సన్నివేశం తెరకెక్కిస్తున్నప్పుడు ఏం జరిగింది అనే విషయం చెప్పుకొచ్చింది. ఇప్పుడు ఆ విషయాలు వైరల్‌గా మారాయి.
‘యానిమల్‌’ సినిమా కోసం తననను కాంటాక్ట్‌ అయినప్పుడే రణ్‌బీర్‌తో ఉన్న ఇంటిమేట్‌ సీన్‌ గురించి సందీప్ రెడ్డి వంగా చెప్పేశారట. బ్యూటీ అండ్‌ బీస్ట్‌ అనే కాన్సెప్ట్‌లో ఓ సీన్‌ ఉంటుంది అని తెలిపారట. ఏమైనా అభ్యంతరాలు ఉంటే చెప్పమని అడిగారట. అయితే ఆ సీన్‌ సినిమాకు ఎంత అవసరమో తనకు అర్థమైందని, అందుకే ఆ సీన్‌లో నటించడానికి ఓకే చెప్పానని (Triptii Dimri) త్రిప్తి తెలిపింది.
ఇక ఆ సీన్‌ షూటింగ్‌ సమయంలో దర్శకుడు సందీప్ చాలా జాగ్రత్తలే తీసుకున్నాడట. ఆ సమయంలో సెట్‌లోకి ఎవరినీ అనుమతించలేదట. నటీనటులు కాకుండా దర్శకుడు, సినిమాటోగ్రాఫర్‌ మాత్రమే ఉన్నారట. అలా ఆ సీన్‌ జాగ్రత్తగా తీశారట. ఇందుకేనేమో విషయం కూడా బయటకు రాలేదు. డిసెంబర్ 1న విడుదలైన ఈ సినిమా ప్రపంచవ్యాప్తంగా రూ. 500 కోట్లకుపైగా వసూళ్లు సాధించింది. ఇక ఈ సినిమాకు సీక్వెల్‌గా ‘యానిమల్‌ పార్క్‌’ అనే సినిమా వస్తుందట.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
Home