టాలీవుడ్ ఇండస్ట్రీకి చెందిన ఎంతోమంది హీరోయిన్లు అవకాశాలు తగ్గి ఇండస్ట్రీకి దూరమవుతున్నా త్రిషకు మాత్రం సినిమా ఆఫర్లు తగ్గడం లేదు. త్రిష తెలుగులో కొంతమంది స్టార్ హీరోల సినిమాలకు నో చెప్పినట్టు ఇండస్ట్రీ వర్గాల్లో వార్తలు వస్తున్నాయి. అయితే తాజాగా ఈ బ్యూటీ పవర్ స్టార్ సినిమాకు గ్రీన్ సిగ్నల్ ఇచ్చినట్టు సమాచారం. కన్నడ పవర్ స్టార్ పునీత్ రాజ్ కుమార్ తో త్రిష మరోసారి రొమాన్స్ చేయనున్నారని తెలుస్తోంది.
కొన్నేళ్ల క్రితం త్రిష, పునీత్ రాజ్ కుమార్ కాంబినేషన్ లో పవర్ అనే సినిమా తెరకెక్కి బ్లాక్ బస్టర్ హిట్ గా నిలిచింది. తెలుగులో మహేష్ శ్రీనువైట్ల కాంబోలో తెరకెక్కిన బ్లాక్ బస్టర్ మూవీ దూకుడు రీమేక్ పవర్ కావడం గమనార్హం. ప్రస్తుతం పవన్ కుమార్ అనే దర్శకుని డైరెక్షన్ లో ద్విత్వ టైటిల్ తో పునీత్ రాజ్ కుమార్ హీరోగా ఒక సినిమా తెరకెక్కనుంది. ద్విత్వలో త్రిష ఎంపికైనట్లు జోరుగా ప్రచారం జరుగుతుండగా మరికొన్ని రోజుల్లో క్లారిటీ వచ్చే అవకాశాలు అయితే ఉన్నాయి.
స్ట్రెయిట్ కథతో పవన్ కుమార్ ద్విత్వ సినిమాను తెరకెక్కించనున్నారు. త్రిష మలయాళంలో మోహన్ లాల్ హీరోగా జీతూ జోసెఫ్ డైరెక్షన్ లోతెరకెక్కుతున్న రామ్ అనే సినిమాలో సైతం హీరోయిన్ గా నటిస్తున్నారు. సెకండ్ ఇన్నింగ్స్ లో కూడా త్రిష వరుస ఆఫర్లతో బిజీ అవుతుండటం గమనార్హం. మరోవైపు తెలుగులో మహేష్ త్రివిక్రమ్ కాంబినేషన్ లో తెరకెక్కుతున్న సినిమాలో ఒక హీరోయిన్ గా త్రిష పేరు వినిపిస్తోంది. అయితే త్రిష మహేష్ సినిమాలో నటిస్తున్నారని వస్తున్న వార్తలో నిజానిజాలు తెలియాలంటే కొన్నిరోజులు ఆగాల్సిందే.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
