స్టార్ హీరోలతో సినిమాలు చేయనున్న త్రివిక్రమ్ శ్రీనివాస్

మాటల మాంత్రికుడు త్రివిక్రమ్ శ్రీనివాస్ టాలీవుడ్ లో స్టార్ డైరక్టర్ గా నిరూపించుకున్నారు. వరుసగా స్టార్  హీరోలతో సినిమాలు ఓకే చేయించి బిజీ అయ్యారు. 2017 లోను తన హవాను ప్రదర్శించనున్నారు.  ‘జల్సా”, ‘అత్తారింటికి దారేది’ సినిమాల తర్వాత మూడోసారి పవర్ స్టార్ పవన్ కళ్యాణ్ ని డైరక్ట్ చేస్తున్నారు. వీరికలయికలో సినిమా కొన్ని రోజుల క్రితం పూజా కార్య క్రమాలు కూడా పూర్తిచేసుకుంది.  ప్రస్తుతం డాలీ దర్శకత్వంలో పవర్ స్టార్  ‘కాటమరాయుడు’ సినిమా చేస్తున్నారు. ఈ మూవీ తర్వాత త్రివిక్రమ్ మూవీ మొదలు కానుంది. ఈ చిత్రం కంప్లీట్ చేసిన వెంటనే మాటల మాంత్రికుడు యంగ్ టైగర్ ఎన్టీఆర్ ప్రాజెక్ట్ ని పట్టాలెక్కించనున్నారు. ఈ మూవీ సెప్టెంబర్ నుంచి రెగ్యులర్ షూటింగ్ జరుపుకోనుంది. ఈ చిత్రం రిలీజ్ అయిన వెంటనే కొంచెం కూడా విశ్రాంతి తీసుకోకుండా సూపర్ స్టార్ మహేష్ బాబుతో మూవీ తెరకెక్కించనున్నారు.

ఇప్పుడు ప్రిన్స్ ఏఆర్ మురుగదాస్ దర్శకత్వంలో నటిస్తున్నారు. దీని తర్వాత కొరటాల శివతో మూవీ చేస్తారు. దాని తర్వాత వంశీ పైడిపల్లితో కలిసి నడవనున్నారు. ఈ మూడు చిత్రాల తర్వాత త్రివిక్రమ్ తో మూడోసారి చిత్రం చేయనున్నారు. వీరికలయికలో వచ్చిన అతడు బ్లాక్ బస్టర్ కాగా, ఖలేజా నిరాశ పరిచింది. మూడో చిత్రం రికార్డులను తిరగరాయనుంది. త్రివిక్రమ్ గత రెండు చిత్రాలు సన్నాఫ్ సత్యమూర్తి, అ..ఆ  లను నిర్మించిన నిర్మాత ఎస్. రాధకృష్ణ తన హారికా హాసిని క్రియేషన్స్  బ్యానర్లోనే ఈ మూడు చిత్రాలను నిర్మించనుండడం విశేషం.

Also, do SUBSCRIBE to our YouTube channel to get latest Tollywood updates.