Trivikram, Mahesh Babu: త్రివిక్రమ్ మహేష్ మూవీ రిలీజయ్యేది అప్పుడేనా?

సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ శ్రీనివాస్ డైరెక్షన్ లో అతడు, ఖలేజా సినిమాల తర్వాత మరో సినిమా తెరకెక్కనున్న సంగతి తెలిసిందే. అతి త్వరలో ఈ సినిమా రెగ్యులర్ షూటింగ్ మొదలు కానుండగా ఈ సినిమా కోసం ఫ్యాన్స్ ఆసక్తిగా ఎదురు చూస్తున్నారు. సమ్మర్ లో ఈ సినిమాను రిలీజ్ చేస్తామని మేకర్స్ ఇప్పటికే ప్రకటించగా 2022 సంవత్సరం ఏప్రిల్ 22వ తేదీన ఈ సినిమా రిలీజయ్యే అవకాశాలు ఉన్నాయని తెలుస్తోంది.

సాధారణంగా ఇతర సీజన్లతో పోలిస్తే సమ్మర్ సీజన్ లో సినిమాను రిలీజ్ చేస్తే ఎక్కువ మొత్తంలో కలెక్షన్లు వస్తాయి. ఏప్రిల్ నెల అటు మహేష్ బాబుకు త్రివిక్రమ్ కు లక్కీ మంత్ కావడం గమనార్హం. మహేష్ బాబు హీరోగా నటించిన పోకిరి, భరత్ అనే నేను సినిమాలు ఏప్రిల్ నెలలో విడుదలై భారీ బ్లాక్ బస్టర్ హిట్లుగా నిలిచాయి. త్రివిక్రమ్ డైరెక్షన్ లో తెరకెక్కిన సన్నాఫ్ సత్యమూర్తి సినిమా కూడా ఏప్రిల్ లో విడుదలై సక్సెస్ సాధించింది.

ఈ రీజన్ వల్లే మహేష్, త్రివిక్రమ్ ఏప్రిల్ లో సినిమాను రిలీజ్ చేయాలని భావిస్తున్నట్టు సమాచారం. మరోవైపు త్రివిక్రమ్ ఎప్పటినుంచి రెగ్యులర్ షూటింగ్ ను మొదలుపెడతారనే సంగతి తెలియాల్సి ఉంది. త్రివిక్రమ్ ఇప్పటికే మహేష్ సినిమాకు సంబంధించిన స్క్రిప్ట్ పనులను పూర్తి చేయడంతో పాటు నటీనటులు, సాంకేతిక నిపుణుల ఎంపిక ప్రక్రియను పూర్తి చేశారని సమాచారం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!