ఇప్పట్లో వీరి కలయికలో మూవీ తెరకెక్కేలాలేదు

గతఏడాది విక్టరీ వెంకటేష్ పుట్టినరోజు సందర్భంగా ఆయన తన అభిమానులకు ఒక గిఫ్ట్ ఇచ్చారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో వెంకటేష్ సినిమా చేయబోతున్నట్టు అధికారికంగా ప్రకటించారు. వెంకటేష్ “నువ్వు నాకు నచ్చావ్”, “మల్లీశ్వరి”.. చిత్రాలకు త్రివిక్రమ్ మాటలు అందించారు. త్రివిక్రమ్ దర్శకత్వంలో వెంకీ సినిమా చేసే వార్త విని అభిమానులు సంబరపడ్డారు. హారిక హాసిని క్రియేషన్స్ బ్యానర్లో రాధాకృష్ణ నిర్మించనున్నట్లు తెలియడంతో ఆ మూవీ ఎప్పుడు పట్టాలెక్కుతుందా? అని ఎదురుచుస్తున్నారు. దాదాపు పది నెలలు గడుస్తున్నా.. ఆ సినిమా గురించి ఎటువంటి అప్డేట్ రాలేదు. ఇప్పట్లో రాదని తెలిసింది.

అరవింద సమేత వీర రాఘవ సినిమా తర్వాత త్రివిక్రమ్ శ్రీనివాస్ స్టైలిష్ స్టార్ అల్లు అర్జున్ తో సినిమా చేయనున్నారు. ఈ సినిమాకి సంబంధించిన పనులు వేగంగా సాగుతున్నాయి. దీని తర్వాత వెంకటేష్ తో సినిమా ఉందనుకుంటే .. మహేష్ బాబు కోసం త్రివిక్రమ్ కథ రెడీ చేసినట్లు ఫిలిం నగర్ వాసులు చెప్పుకుంటున్నారు. ఆ తర్వాత అయినా కుదురుతుందనుకుంటే దరిదాపుల్లో కనబడడం లేదు. ఎందుకంటే మెగాస్టార్ చిరంజీవి, కింగ్ నాగార్జునలు తమ తనయులతో సినిమా చేయమని ఎప్పటి నుంచో త్రివిక్రమ్ ని కోరుతున్నారు. సో చరణ్ తో గానే, అఖిల్ తో గానీ మూవీ చేయనున్నారు. అందువల్ల వెంకీ, త్రివిక్రమ్ మూవీ ఇప్పట్లో పట్టాలెక్కేలా లేదని టాలీవుడ్ వర్గాలవారు తెలిపారు.