అరవింద సమేత వీర రాఘవ, అల వైకుంఠపురములో సినిమాలతో త్రివిక్రమ్ ఖాతాలో బ్యాక్ టు బ్యాక్ బ్లాక్ బస్టర్ హిట్లు చేరాయనే సంగతి తెలిసిందే. అయితే వేర్వేరు కారణాల వల్ల అల వైకుంఠపురములో సక్సెస్ తర్వాత కూడా త్రివిక్రమ్ కు రెండేళ్ల గ్యాప్ వచ్చింది. ప్రస్తుతం మహేష్ బాబుతో ఒక సినిమాను తెరకెక్కిస్తున్న త్రివిక్రమ్ ఈ సినిమా షూటింగ్ పూర్తైన తర్వాత బన్నీతో ఒక సినిమాను, రానాతో ఒక సినిమాను తెరకెక్కించనున్నారని తెలుస్తోంది.
గుణశేఖర్ రానా కాంబినేషన్ లో హిరణ్యకశిప టైటిల్ తో ఒక సినిమా తెరకెక్కనుందని గతంలో వార్తలు ప్రచారంలోకి వచ్చాయి. అయితే వేర్వేరు కారణాల వల్ల ఈ కాంబినేషన్ లో సినిమా వర్కౌట్ కాలేదు. అయితే ఇదే టైటిల్ తో త్రివిక్రమ్ సొంతంగా తయారు చేసిన కథతో రానా హీరోగా సినిమా తెరకెక్కనుందని బోగట్టా. పురాణాలపై పట్టు ఉన్న త్రివిక్రమ్ పాన్ ఇండియా సినిమాతో సక్సెస్ సాధించాలంటే మైథలాజికల్ సినిమాలే కరెక్ట్ అనే భావనను కలిగి ఉన్నారు.
పాన్ ఇండియా మూవీగా హారిక హాసిని క్రియేషన్స్ బ్యానర్ లో ఈ సినిమాను తెరకెక్కించాలని ఆయన భావిస్తున్నారు. భారీ బడ్జెట్ తో ఈ సినిమా తెరకెక్కుతుండగా రాబోయే రోజుల్లో ఈ సినిమాకు సంబంధించి అధికారిక ప్రకటన వెలువడే ఛాన్స్ అయితే ఉందని చెప్పవచ్చు. త్రివిక్రమ్ ఇప్పటికే హిరణ్యకశిప ప్రాజెక్ట్ పై కొంతమేర వర్క్ చేశారని తెలుస్తోంది. త్రివిక్రమ్ అన్ని వర్గాల ప్రేక్షకులకు నచ్చేలా ఈ సినిమాను తెరకెక్కించనున్నారని ఇండస్ట్రీ వర్గాల్లో వినిపిస్తోంది.
ఇప్పటికే హారిక హాసిని నిర్మాతలు హిరణ్యకశిప టైటిల్ ను రిజిష్టర్ చేయించారని గుణశేఖర్ నుంచి ఎటువంటి ఇబ్బందులు రాకుండా సెటిల్ మెంట్లు కూడా చేసేశారని సమాచారం అందుతోంది. 2024 చివర్లో ఈ ప్రాజెక్ట్ సెట్స్ పైకి వెళ్లే ఛాన్స్ అయితే ఉంది. భీమ్లా నాయక్ సినిమాలో నటించడం రానాకు ఈ విధంగా ప్లస్ అయింది. విజువల్ వండర్ గా తెరకెక్కనున్న ఈ సినిమాకు సంబంధించి మరిన్ని విషయాలు తెలియాల్సి ఉంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
