కొందరు సీనియర్ నటీమణుల్ని మళ్ళీ తన సినిమాల్లో అమ్మ, అత్త, వదిన లాంటి పాత్రలు ఇచ్చి వారికి మళ్ళీ వారికి రీ ఎంట్రీ అవకాశం ఇస్తుంటాడు త్రివిక్రమ్. ప్రస్తుతం అల్లు అర్జున్ తో ఓ చిత్రాన్ని తెరకెక్కించబోతున్నాడు త్రివిక్రమ్. ఇటీవల పూజా కార్యక్రమంతో ఘనంగా మొదలైంది ఈ చిత్రం. ‘గీతా ఆర్ట్స్’ ‘హారిక అండ్ హాసిని’ క్రియేషన్స్ సంస్థలు కలిసి నిర్మిస్తున్న ఈ చిత్రానికి తమన్ సంగీతమందిస్తున్నాడు. ఇక ఈ చిత్రంలో ఒకప్పటి హాట్ హీరోయిన్ టబును కూడా తీసుకున్నట్టు వార్తలు వస్తున్నాయి. ఈ చిత్రంలో బన్నీకి తల్లిగా నటిస్తుందని టాక్ నడుస్తుంది.
టబు అంటేనే గ్లామర్ క్వీన్. గతంలో నాగార్జున ‘నిన్నే పెళ్ళాడతా’ వెంకటేష్ ‘కూలీ నెం1’ చిత్రాల్లో తన అందాలతో ఉతికి ఆరేసింది. ఇప్పటి కుర్రకారు కూడా ఆ చిత్రాలోని టబు హాట్ హాట్ అందాలకి ఫిదా అయిపోతున్నారు. అంతే కాదు ఈమె ఛాన్స్ దొరికినప్పుడల్లా బాలీవుడ్లో గ్లామర్ సన్నివేశాల్లో నటిస్తూనే ఉంది. మరి అలాంటి హీరోయిన్ని తల్లి పాత్రలో ప్రేక్షకులు యాక్సెప్ట్ చేస్తారా.. ? అనేది చర్చనీయాంశం అయ్యింది. త్రివిక్రమ్ కాబట్టి రెండు బలమైన్ సీన్స్ తో నాలుగు లోతైన డైలాగ్ లతో తల్లిగా ఒప్పించేస్తాడు. అయినప్పటికీ టబును ఈ పాత్రకి ఒప్పుకుంటారా అంటే… అనుమానంగానే ఉంది. సింధుతులాని లాంటి గ్లామర్ క్వీన్ నే అల్లు అర్జున్ కు వదినను చేసేసాడు.. అలాంటిది టబు ని తల్లి పాత్రలో ఇరికించడం త్రివిక్రమ్ కు పెద్ద కష్టమేమీ కాదు..!
