మిడిల్ రేంజ్ హీరో నాని గత సినిమా వీ ఓటీటీలో విడుదలై ఫ్లాప్ గా నిలిచిన సంగతి తెలిసిందే. నాని నటించిన టక్ జగదీష్ త్వరలో ఓటీటీలో రిలీజ్ కానుండగా ఈ సినిమా కథకు సంబంధించి ఒక వార్త సోషల్ మీడియాలో వైరల్ అవుతోంది. టక్ జగదీష్ సినిమాలో నాని ఎమ్మార్వో అధికారిగా కనిపిస్తారని సమాచారం. విలేజ్ బ్యాక్ డ్రాప్ లో ఈ సినిమా తెరకెక్కగా నానీకి అన్న పాత్రలో జగపతిబాబు నటిస్తున్నారు. కథ ప్రకారం నాని భూవివాదాల్లో తలదూర్చాల్సి వస్తుందని
ఎమ్మార్వో పాత్రలో ఏ మాత్రం భయం లేని వ్యక్తిగా నాని కనిపిస్తారని తెలుస్తోంది. నాని సినిమా అంతటా టక్ లో కనిపిస్తాడనే సంగతి తెలిసిందే. నాని టక్ లో కనిపించడానికి కూడా బలమైన కారణమే ఉందని సమాచారం. బలమైన భావోద్వేగాలు ఉండే విధంగా శివ నిర్వాణ జాగ్రత్తలు తీసుకున్నారని ఈ సినిమా అన్ని వర్గాల ప్రేక్షకులకు నచ్చేలా ఉంటుందని తెలుస్తోంది. నిన్నుకోరి, మజిలీ సినిమాల తర్వాత శివ నిర్వాణ దర్శకత్వం వహిస్తున్న సినిమా టక్ జగదీష్ కాగా అమెజాన్ ప్రైమ్ లో ఈ సినిమా సెప్టెంబర్ 10వ తేదీన రిలీజయ్యే అవకాశాలు ఉన్నాయని సమాచారం.
అయితే ఈ మేరకు అధికారిక ప్రకటన రావాల్సి ఉంది. వరుసగా నాని నటించిన రెండో సినిమా ఓటీటీలో రిలీజ్ కానుండగా ఈ సినిమాతో నాని సక్సెస్ ను సొంతం చేసుకుంటాడో లేదో చూడాల్సి ఉంది. నాగచైతన్య శేఖర్ కమ్ముల కాంబినేషన్ లో తెరకెక్కిన లవ్ స్టోరీ సినిమా కూడా వచ్చే నెల 10వ తేదీన థియేటర్లలో రిలీజ్ కానుంది. ఈ రెండు సినిమాలలో ఏ మూవీ పైచేయి సాధిస్తుందో చూడాల్సి ఉంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
