మాస్ మహారాజ్ రవితేజ వరుస ప్రాజెక్ట్‌లను లైన్లో పెడుతూ దూకుడు చూపిస్తున్నాడు. ప్రస్తుతం రమేష్ వర్మ దర్శకత్వంలో ‘ఖిలాడి’ ,త్రినాధ్ రావ్ నక్కిన దర్శకత్వంలో ‘ధమాకా’, శరత్ మండవ దర్శకత్వంలో ‘రామారావు ఆన్ డ్యూటీ’ వంటి సినిమాలు చేస్తూనే మరోపక్క సుధీర్ వర్మ దర్శకత్వంలో ఒక సినిమాని అనౌన్స్ చేసాడు. తాజాగా మరో సినిమాని కూడా అనౌన్స్ చేసి అందరినీ ఆశ్చర్య పరిచాడు. వంశీ కృష్ణ ఆకెళ్ళ దర్శకత్వంలో ‘టైగర్ నాగేశ్వరరావు’ అనే బయోపిక్ ను అనౌన్స్ చేసాడు.
దానికి సంబంధించిన పోస్టర్ ను కూడా విడుదల చేసారు. ఈ చిత్రాన్ని పాన్ ఇండియా మూవీగా తెరకెక్కిస్తున్నట్టు కూడా నిర్మాతలు ప్రకటించారు.1970వ సంవత్సరానికి చెందిన స్టువర్ట్‌పురం గజదొంగ టైగర్ నాగేశ్వరరావ్ జీవితంలోని కొన్ని సంఘటనలను ఆధారం చేసుకుని ఈ చిత్రం తెరకెక్కనుంది. ముందుగా ఈ కథని రానాతో చేయాలనుకున్నారు. కానీ స్క్రిప్ట్ పూర్తిగా రెడీ అవ్వకపోవడంతో కుదర్లేదు. అటు తర్వాత బెల్లంకొండ సాయి శ్రీనివాస్ తో చేయాలనుకున్నారు. ఈ కథకి అతను ఓకే చెప్పేసాడు కూడా.
అయితే ప్రస్తుతం అతను వేరే ప్రాజెక్టులతో బిజీ అవ్వడంతో ‘టైగర్ నాగేశ్వరరావు’ ను పక్కన పెట్టినట్టు తెలుస్తుంది. బెల్లంకొండ సాయి శ్రీనివాస్ ను హీరోగా అనుకున్నప్పుడు రేణు దేశాయ్ తన అక్క పాత్ర చేస్తుందని కూడా కథనాలు వినిపించాయి.అయితే వాటి పై ఎటువంటి క్లారిటీ రాలేదు. ఈ విషయాలను పక్కన పెడితే.. రవితేజ ఈ కథకి పర్ఫెక్ట్ ఛాయిస్ అనే చెప్పాలి.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
