‘అరవింద సమేత’ రష్ చూసి స్పందించిన సినీ విశ్లేషకుడు

అజ్ఞాతవాసి సినిమా తర్వాత మాటల మాంత్రికుడు త్రివిక్రమ్ శ్రీనివాస్ చేస్తున్న సినిమా “అరవింద సమేత వీర రాఘవ”. యంగ్ టైగర్ ఎన్టీఆర్ ఇందులో రెండు షేడ్స్ తో కనిపించనున్నారు. టౌన్ లో స్మార్ట్ బాయ్ గా అమ్మాయిలను ఆకర్షిస్తే.. సీమలో విలన్లకు మాస్ పంచులతో చుక్కలు చూపించనున్నారు. ఇప్పటికే సిక్స్ ప్యాక్ లో తారక్ ని చూసి ఫాన్స్ అంచనాలు భారీగా పెట్టుకున్నారు. వారి అంచనాలకు మించి సినిమా ఉండాలని త్రివిక్రమ్ రాత్రి పగలు కష్టపడుతున్నారు. ఇప్పటికే 40 శాతం షూటింగ్ కంప్లీట్ చేసిన మాటలమాంత్రికుడు పోస్ట్ ప్రొడక్షన్ పనులను కూడా మొదలెట్టేసారు.

ఇప్పటివరకు షూటింగ్, ఎడిటింగ్ పూర్తి చేసుకున్న సన్నివేశాలకు డబ్బింగ్ పనులను ప్రారంభించారు. ఈ రష్ ని తాజాగా ప్రముఖ సినీ విశ్లేషకుడు ఉమైర్ సంధు చూసారంట. తన అభిప్రాయాన్ని ట్విట్టర్ వేదికపై పోస్ట్ చేశారు. “”అరవింద సమేత” కొన్ని సీన్లు చూసాను. మైండ్ బ్లోయింగ్. కొత్త అవతారంలోని ఎన్టీఆర్ లుక్ టెర్రిఫిక్ గా ఉంది. తప్పకుండా ఈ సినిమా బ్లాక్ బస్టర్ అవుతుంది” అని ట్వీట్ చేశారు. సాధారణంగా సినిమా అరిలిజ్ కి ఒకరోజు ఇతను సమీక్షలు ఇస్తుంటారు. ఈ చిత్రం విషయంలో మాత్రం ముందుగానే చెప్పి ఆనందింపజేశారు. హారిక హాసిని క్రియేషన్స్ పతాకం ఫై రాధాకృష్ణ నిర్మిస్తున్న ఈ చిత్రం అక్టోబర్ 10 న థియేటర్లోకి రానుంది.