Mitraaw Sharma: ‘బిగ్ బాస్’ కంటెస్టెంట్ మిత్రా శర్మ గురించి ఆసక్తికరమైన 10 విషయాలు..!

‘బిగ్ బాస్’ ఓటిటి వెర్షన్ ఇటీవల మొదలైంది. ఇందులో 11 వ కంటెస్టెంట్ గా ఎంట్రీ ఇచ్చింది మిత్రా శర్మ. ‘నేను ఎంత మాట్లాడతానో… ఏం చేస్తానో చూపిస్తా.. ఫుల్ డ్రామాతో అలరిస్తా’ అంటూ తనకు తనే ఓ హై ఇచ్చుకుంది మిత్రా. అటు తర్వాత హౌస్లోకి వెళ్లిన వెంటనే ఆర్జే చైతుని చూసి ‘అన్న’ అని పిలిచింది. ‘ఎందుకు అన్న అంటున్నారు’ అంటూ చైతు అడిగితే.. ‘అది అంతే’ అంటూ సమాధానం ఇచ్చి హాట్ టాపిక్ అయ్యింది. అయితే ఈ షోకి ముందు వరకు ఈమె ఎక్కువ మందికి పరిచయం లేదు. అసలు మిత్ర ఎవరు? ఎక్కడి నుండీ వచ్చింది? వంటి ఆసక్తికర విషయాలు ఓ లుక్కేద్దాం రండి :

1) 1993 వ సంవత్సరం మే 24 న ముంబైలో జన్మించింది మిత్రా శర్మ. ఈమె అసలు పేరు మిత్ర బింద. పెరిగింది అంతా ముంబైలోనే..! తన తండ్రి సలహా మేరకు నటన పై మక్కువ పెంచుకుంది.

2) అటు తర్వాత తండ్రి మరణించడంతో ఈమె చాల ఇబ్బందులకు గురయ్యింది.బంధువులు కూడా ఈమెను పక్కకు పెట్టడంతో… నిరాశ చెంది హైదరాబాద్ కు షిఫ్ట్ అయ్యింది.

3) హైదరాబాద్ కు వచ్చిన తర్వాత అవకాశాలు కోసం ఎన్నో ఆఫీస్ ల చుట్టూ తిరిగింది. ఎన్నో అవమానాలు భరించింది. మొత్తానికి అవకాశాలు దక్కించుకుంది.

4) ‘తొలి సంధ్య వేళలో’ అనే చిత్రంలో హీరోయిన్ గా నటించింది. అటు తర్వాత కూడా రెండు సినిమాల్లో నటించింది కానీ అవి ఈమెకు అంతగా గుర్తింపు తెచ్చిపెట్టలేదు.

5) ఈమె నార్త్ అమ్మాయే అయినప్పటికీ తెలుగు అనర్గళంగా మాట్లాడగలదు.

6) ‘శ్రీపిక్చ‌ర్స్’ అనే నిర్మాణ సంస్థని స్థాపించి సినిమాలు నిర్మించడానికి కూడా రెడీ అయ్యింది.

7) మొదటి ప్రయత్నంగా ‘బాయ్స్’ అనే బోల్డ్ మూవీని నిర్మించింది. దీని టీజర్, ట్రైలర్ లు కూడా మొన్నామధ్య హాట్ టాపిక్ అయ్యాయి.

8) ‘నేను అవకాశాల కోసం తిరగడం కాదు… నేనే నలుగురికి అవకాశాలు ఇస్తా’ అనే మోటోతో ఈమెకి కలిగినది అంతా అమ్ముకుని నిర్మాణ రంగంలోకి అడుగుపెట్టింది.

9) ‘బాయ్స్’ చిత్రంలో మిత్రా శర్మ కూడా ఓ హీరోయిన్ గా నటించింది. ఈ మూవీలో మిత్రా గ్లామర్ షో విషయంలో, లిప్ లాక్ ల విషయంలో అస్సలు తగ్గలేదని ట్రైలర్ తో హింట్ ఇచ్చింది.

10) ఈ మూవీ ప్రమోషన్ల కోసం ఏకంగా సన్నీ లియోన్ నే రంగంలోకి దింపింది ఈ అమ్మడు.

11) సోషల్ మీడియాలో ఈమె చాలా యాక్టివ్ గా ఉంటుంది. ఈమె ఇన్స్టా ఖాతాకి లక్షకి పైగా ఫాలోవర్లు ఉన్నారు. నిత్యం తన గ్లామర్ ఫొటోలతో యువతకి మంచి ట్రీట్ ఇస్తూ ఉంటుంది ఈ అమ్మడు.