హీరో ‘దగ్గుబాటి రాజా’ గురించి మనకు తెలియని నిజాలు..!

దగ్గుబాటి రాజా.. పేరు వింటే సగం తెలిసినట్టు సగం తెలీనట్టు ఉంది కదూ. అందులోనూ దగ్గుబాటి రానా అన్నట్టు కూడా అనిపిస్తుంది. సందేహ పడాల్సిందేమీ లేదు. ఈయన కూడా దగ్గుబాటి వారసుడే..! మూవీ మొఘల్ రామానాయుడు గారి అన్న కొడుకే ఈ దగ్గుబాటి రాజా. ‘పక్కు వేతాలాయ్’ అనే తమిళ చిత్రం ద్వారా హీరోగా ఎంట్రీ ఇచ్చాడు రాజా.1981 వ సంవత్సరంలో ఈ చిత్రం విడుదలైంది. దర్శకుడు భారతీ రాజా దగ్గర శిష్యరికం చేసి ఆ తరువాత హీరోగా మారాడు రాజా.

‘ఝాన్సీ రాణి’ ‘సంకెళ్ళు’ ‘చిన్నారి స్నేహం’ ‘ఏడుకొండల స్వామి’ వంటి తెలుగు సినిమాల్లో కూడా నటించాడు. ఈయనకి లేడీ ఫ్యాన్ ఫాలోయింగ్ కూడా ఎక్కువే..! తెలుగులో కంటే తమిళంలోనే ఈయన ఎక్కువ సినిమాలు చేసాడు. రాజా చాలా అందగాడు, కచ్చితంగా స్టార్ హీరో అవుతాడు అని అనుకున్నవారికి పెద్ద షాక్ తగిలింది. సడెన్ గా ఈయనకు అవకాశాలు తగ్గాయి. దాంతో వారి ఫ్యామిలీ బిజినెస్ అయిన గ్రానైట్ వ్యాపారాన్నే చేస్తూ వస్తున్నాడు.

తన తండ్రి దగ్గర వ్యాపారంలోని మెళకువలను తెలుసుకుని ఇప్పటికీ అదే వ్యాపారంలో కొనసాగుతున్నాడు. దగ్గుబాటి వారింట్లో ఏ వేడుక జరిగినా ఈయన కూడా హాజరవుతూ ఉంటాడు. గతేడాది విడుదలైన ‘ఎన్టీఆర్ కథానాయకుడు’ ‘ఎన్టీఆర్ మహానాయకుడు’ వంటి చిత్రాల్లో రాజా నటించాడు.ఇక దగ్గుబాటి రాజాకు ఒక కొడుకు, ఒక కూతురు.ఈయన ప్రస్తుతం చెన్నై లో ఉంటున్నాడు.

Most Recommended Video

ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్