మాటల మాంత్రికుడు త్రివిక్రమ్ శ్రీనివాస్ తన వ్యక్తిగత విషయాల గురించి చెప్పుకోవడానికి ఇష్టపడరు. ఇక వారి కుటుంబ సభ్యులు మీడియా ముందుకు అరుదుగా వస్తుంటారు… వచ్చినా మాట్లాడిన సందర్భాలు అరుదు. అలా అని వారిని తక్కువగా అంచనా వేయకూడదని రీసెంట్ గా అందరికీ అర్ధమయింది. త్రివిక్రమ్ బయట తక్కువగా మాట్లాడినా .. తన సినిమాల ద్వారా ఎక్కువగా చెబుతారు. అలాగే త్రివిక్రమ్ భార్య సౌజన్య తన అభిప్రాయాన్ని నోటితో చెప్పకపోయినా అభినయంతో ఎన్నో భావాలని పలికించారు. ఆమె ఇటీవల రవీంద్ర భారతి వేదికపై భరతనాట్యం ప్రదర్శన ఇచ్చారు.
ఈ కార్యక్రమానికి పలువురు సినీ ప్రముఖులతో పాటు పవన్ కళ్యాణ్, తన భార్య అన్నా లెజినోవాతో కలిసి హాజరయ్యారు. అంతేకాదు “నా చెల్లెలు సౌజన్య కోసం ఈ కార్యక్రమానికి వచ్చాను” అని పవన్ చెప్పడం.. త్రివిక్రమ్, పవన్ కుటుంబం మధ్య అనుబంధాన్ని స్పష్టం చేసింది. సౌజన్య ప్రదర్శించిన పలు నృత్యరూపాలు ఆహుతులను ఆకట్టుకున్నాయి. త్రివిక్రమ్ శ్రీనివాస్ ఇండస్ట్రీకి వచ్చిన ఇంత కాలమైనా ఆయన భార్య నాట్య కళాకారిణి అనే విషయం చాలా మందికి తెలియదు. ఇప్పుడు ఆమె ప్రతిభని కళ్లారా చూసి ఆశ్చర్యపోయారు. ప్రస్తుతం త్రివిక్రమ్ శ్రీనివాస్ ఎన్టీఆర్ తో అరవింద సమేత వీర రాఘవ అనే సినిమా చేస్తున్నారు. పూజా హెగ్డే, ఈషా రెబ్బ హీరోయిన్లుగా నటిస్తున్న ఈ చిత్రం అక్టోబర్ 10 న రిలీజ్ కానుంది.
