మెగా పవర్ స్టార్ రాంచరణ్ భార్య ఉపాసన కొణిదెల తాజాగా అమృత్ సర్ లోని గోల్డెన్ టెంపుల్ లో దర్శించారు. చరణ్ కోసం అక్కడ ఆమె ప్రత్యేక పూజలు నిర్వహించారు. ఈ విషయాన్ని ఆమె సోషల్ మీడియా ద్వారా తెలియజేసింది. “కృతజ్ఞతా భావనతో Mr.C(రాంచరణ్) అమృత్‌సర్‌లోని స్వర్ణ దేవాలయంలో లంగర్ సేవను నిర్వహించడం జరిగింది. ఆయన ‘RC15’ సినిమా షూటింగ్ లో బిజీగా ఉండడం వలన అతని తరపున నాకు ఈ పూజలో పాల్గొనే అవకాశం లభించింది.
చరణ్, నేను.. మీ ప్రేమాభిమానాలు కారణంగానే ఈరోజు ఇలా ఉన్నాము” అంటూ చెప్పుకొచ్చింది ఉపాసన. ఇందుకు సంబంధించిన ఓ వీడియోని కూడా ఆమె జతచేసింది. ‘ఆర్.ఆర్.ఆర్’ మూవీ విడుదలకి ముందు చరణ్… ఎన్టీఆర్, రాజమౌళి లతో కలిసి ఆ గోల్డెన్ టెంపుల్ ని సందర్శించారు. ఇక ‘ఆర్.ఆర్.ఆర్’ సూపర్ హిట్ అయ్యింది.. మరో పక్క ‘ఆచార్య’ మూవీ రిలీజ్ పనుల్లో బిజీగా ఉన్నాడు రాంచరణ్. ఆ మూవీకి అతను కూడా ఓ నిర్మాత.
పైగా సినిమాలో సిద్ధ అనే ముఖ్య పాత్రను పోషించాడు. అందుకే ఆ మూవీ ప్రమోషన్లను దగ్గరుండి చూసుకోవాలని చరణ్ భావిస్తున్నాడు. మరోపక్క శంకర్ దర్శకత్వంలో అతను చేస్తున్న మూవీ షూటింగ్ కూడా శరవేగంగా జరుగుతుంది. రాంచరణ్ ఈ మూవీలో డ్యూయల్ రోల్‌ పోషిస్తున్నాడు. కియారా అద్వానీ హీరోయిన్ గా నటిస్తున్న ఈ మూవీలో మరో హీరోయిన్ గా అంజలి నటిస్తున్నట్టు తెలుస్తుంది. ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు ఈ చిత్రాన్ని నిర్మిస్తున్నారు.ఇక ఈ మూవీ పూర్తయ్యాక గౌతమ్ తిన్ననూరి దర్శకత్వంలో ‘యూవీ క్రియేషన్స్’ బ్యానర్లో ఓ మూవీ చేయనున్నాడు రాంచరణ్.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home