Allu Sirish: పాజిటివ్ టాక్‌తో శిరీష్ అంత పెద్ద టార్గెట్ రీచ్ అవుతాడా?

November 4, 2022 / 08:51 PM ISTByFilmy Focus

Join Us

Allu Sirish: పాజిటివ్ టాక్‌తో శిరీష్ అంత పెద్ద టార్గెట్ రీచ్ అవుతాడా?

‘‘మంచి మనసు గల మా బాలయ్య చెయ్యి పడితే అంతే…. మీకు తిరుగు ఉండదు… కంగ్రాచ్యులేషన్స్’’ అంటూ నటసింహ నందమూరి బాలకృష్ణ ఫ్యాన్స్ సోషల్ మీడియాలో సందడి చేస్తున్నారు.. యంగ్ హీరో అల్లు శిరీష్, మలయాళీ ముద్దుగుమ్మ అను ఇమ్మానుయేల్ హీరో హీరోయిన్లుగా.. అల్లు అరవింద్ సమర్పణలో, రాకేష్ శశి డైరెక్షన్లో ధీరజ్ మొగిలినేని, విజయ్ కలిసి నిర్మించిన యూత్‌ఫుల్ రొమాంటిక్ ఎంటర్‌టైనర్.. ‘ఊర్వశివో రాక్షసివో’..ప్రోమోస్ ప్రామిసింగ్‌గా అనిపించడమే కాక మూవీ మీద అంచనాలు పెంచేశాయి..

ఈ శుక్రవారం ‘ఊర్వశివో రాక్షసివో’ ప్రేక్షకుల మందుకొచ్చింది.. అన్ని చోట్ల నుండి పాజిటివ్ టాక్ వస్తోంది.. ఈ సినిమా ప్రీ రిలీజ్ ఈవెంట్‌కి నటసింహ నందమూరి బాలకృష్ణ ముఖ్య అతిథిగా విచ్చేశారు. థియేట్రికల్ ట్రైలర్ విడుదల చేసి, సినిమా విజయం సాధించాలని శిరీష్‌ని బ్లెస్ చేశారు బాలయ్య. అన్నట్టుగానే చిత్రానికి మంచి స్పందన వస్తోంది.. దీంతో బాలయ్య మాట నిజమైంది.. శిరీష్ కోరిక తీరింది అంటూ పోస్టులు చేస్తున్నారు అభిమానులు..

ఈ జనరేషన్ యూత్‌కి కనెక్ట్ అయ్యే అన్ని అంశాలతో తెరకెక్కిన ‘ఊర్వశివో రాక్షసివో’ హిట్ టాక్ తెచ్చుకుంది. మౌత్ టాక్‌తో కలెక్షన్లు పెరిగే అవకాశముందని, దాదాపు 7 కోట్ల టార్గెట్‌తో వచ్చిన ఈ చిత్రం ఫస్ట్ వీక్‌లోనే బ్రేక్‌ఈవెన్ అయ్యే అవకాశాలున్నాయని సమాచారం.. ‘‘ఊర్వశివో రాక్షసివో’ ఫన్ ఎంటర్‌టైనర్, శిరీష్, అను కెమిస్ట్రీ బాగుంది.. సెకండాఫ్‌లో సునీల్, వెన్నెల కిషోర్ కామెడీ ఇరగదీసేశారు.. వర్త్ వాచింగ్ ఫిల్మ్’’ అని చెప్తున్నారు..

అల్లు వారి అబ్బాయిగా ఇండస్ట్రీలోకి ఎంట్రీ ఇచ్చిన శిరీష్ ఇప్పటివరకు సరైన సినిమా పడక, బ్రేక్ రాక చాలా ఇబ్బంది పడ్డాడు.. లాస్ట్ మూవీ ఇచ్చిన అనుభవంతో కాస్త గ్యాప్ తీసుకుని ఈ స్క్రిప్ట్ సెలెక్ట్ చేసుకున్నాడు. అన్ని విషయాల్లోనూ కేర్ తీసుకుని చేసిన ‘ఊర్వశివో రాక్షసివో’ అనుకున్న టార్గెట్‌ని కనుక రీచ్ అయితే శిరీష్ కెరీర్‌కి బ్రేక్ ఇచ్చే మూవీ అవుతుంది..